خاتون جج کو دھمکیاں دینے کے کیس میں عمران خان کی بریت کی درخواست مسترد
اسلام آباد (ویب ڈیسک) سیشن عدالت کے جج نے دھمکی کیس میں عمران خان کی بریت کی درخواست خارج کر دی۔
اسلام آباد کی ڈسٹرکٹ اینڈ سیشن عدالتوں میں سول جج محمد مرید عباس نے پی ٹی آئی چیئرمین کے خلاف خاتون جج کو دھمکیاں دینے کے کیس کی سماعت کی، پراسیکیوٹر رضوان عباسی عدالت میں پیش ہوئے اور دلائل مکمل کر لیے۔
عدالت نے فریقین کے دلائل سننے کے بعد پی ٹی آئی چیئرمین کی بریت کی درخواست مسترد کردی۔
سول جج مرید عباس نے فیصلے میں کہا کہ پی ٹی آئی چیئرمین خاتون جج کو دھمکیاں دینے کے مقدمے میں بری ہونے کے حقدار نہیں ہیں۔
اس کے علاوہ عدالت نے پی ٹی آئی چیئرمین کے خلاف مقدمے کی سماعت شروع کرنے کا فیصلہ کیا۔
0 تبصرے