سسٽر زيف جو گلوبل ٽيچر پرائيز 2023 کٽڻ پاڪستان لاءِ وڏو اعزاز آهي: فريال ٽالپر

سسٽر زيف جو گلوبل ٽيچر پرائيز 2023 کٽڻ پاڪستان لاءِ وڏو اعزاز آهي: فريال ٽالپر

ڪراچي(اسٽاف رپورٽر) پاڪستان پيپلزپارٽي ليڊيز ونگ جي مرڪزي صدر ۽ اڳوڻي ايم اين اي فريال ٽالپر سڄي دُنيا ۾ ٻارڙن جي حقن ۽ ڀلائي لاءِ ڪم ڪندڙ گڏيل قومن جي اداري يونيسڪو پاران پاڪستان جي ٽيچر سسٽر زيف کي ”گلوبل ٽيچر پرائيز 2023“ ملڻ تي خوشيءَ جو اظهار ڪندي سسٽر زيف کي دل جي گهراين سان مبارڪون ڏنيون آهن. هڪ پيغام ۾ اڳوڻي ايم اين اي فريال ٽالپر سسٽر زيف کي گلوبل ٽيچر پرائز 2023 کٽڻ پاڪستاني عوام خاص طور تي عورتن جي ڪاميابي قرار ڏنو ۽ چيو ته سسٽر زيف پاڪستان جي پٺتي پيل علائقن ۾ ٻارڙن کي تعليم جي فراهمي آسان بڻائڻ لاءِ جوڳيون ڪوششون ورتيون، جيڪي ساراهه جوڳيون آهن. ياد رهي ته يونيسڪو هيڊڪوارٽر ۾ ڪجهه ڏينهن اڳ ٿيل تقريب ۾ پاڪستان جي اسڪول ٽيچر سسٽر زيف گلوبل ٽيچر پرائيز 2023 جو اعزاز ماڻيو، ان اعزاز ماڻڻ جي مقابلي ۾ 130 ملڪن جي 7 هزار کان وڌيڪ ٽيچرز حصو ورتو.