ٺٽي ويجھو اڏيرو لال ڪئنال جو ڪم آخري مرحلي ۾ داخل، بااثر زميندارن پاران پاڻي چوري

ٺٽي ويجھو اڏيرو لال ڪئنال جو ڪم آخري مرحلي ۾ داخل، بااثر زميندارن پاران پاڻي چوري

ٺٽو( شفيق ڀٽي) آبپاشي کاتي پاران چار ارب روپين جي لاڳت سان 65 ڪلوميٽرن تائين ساحلي علائقن ٻگھاڻ، ڪيٽي بندر ۽ ڀرپاسي جي ڳوٺن کي زراعت ۽ پيئڻ جي پاڻي جي فراهمي لاءِ اوڏيرو ڪئنال مڪمل ٿيڻ جي مرحلي ۾ آهي، پر مقامي ماڻھن الزام ھڻندي چيو آھي تہ ھن ڪينال مان ڳري رشوت عيوض مختلف بااثر زميندارن کي آبپاشي کاتي پاران پاڻي چوري طور فراھم ڪيو پيو وڃي، درجنين غيرقانوني پائيپ ۽ خفيه واٽر ڪورس انجنيئر رحيم قريشي ۽ سندس عملي ڳري رشوت عيوض بااثر زميندارن کي ڏنا آھن جنھن مان پاڻي چوري ٿيڻ سبب پوڇڙي جي آبادگارن کي وڏو نقصان پهچي رھيو آھي،جڏھن ته ذريعن موجب برانچ پڪي ٿيڻ واري ڪم ۾ ناقص مٽيريل جي استعمال سبب گھڻو وقت جٽاؤ ڪري نه سگھندو ۽ذريعن موجب ناقص مٽيريل جي اجازت ڏيئي انجنيئر رحيم قريشي ھڪ ارب کان مٿي رشوت طور رقم ھڙپ ڪري چڪو آھي ھتان جي ساڃاھ وندن ۽ آبادگارن نيب ۽ اعلا اختيارين کان ترت نوٽيس وٺڻ جو مطالبو ڪيو آھي