پريالوءِ واسڻ نوجوان ناري جو ٻارڙن سميت احتجاج، مڙس تي تشدد ڪري گھران ڪڍڻ جو الزام

173 views | 20th Nov 2023 • سنڌي خبرون

پريالوءِ واسڻ نوجوان ناري جو ٻارڙن سميت احتجاج، مڙس تي تشدد ڪري گھران ڪڍڻ جو الزام

خيرپور: پريالوءِ جي رهواسڻ مسمات فرقانه زال سراج احمد، مڙس جي زيادتين خلاف پنهنجي ٽن ٻارن سميت سماجي اڳواڻ شهناز شيخ جي آفيس پهچي وئي، مڙس خلاف قانوني ڪارروائي ۽ انصاف جي گهر
مسمات فرقانه جو چوڻ هو ته سندس مڙس ٻارن جو خرچ گهرڻ تان مٿس سخت مارڪٽ ڪري رتورت ڪرڻ بعد کيس گهران ڪڍي ڇڏيو آهي
ھن چيو ته سندس مڙس ناهي ڪمائيندو ۽ هوءَ سماجي تنظيم ۾ نوڪري ڪري گهر هلائيندي آهي ان جي باوجود مڙس گذريل 11 سالن کان تشدد ڪندو رهيو آهي
ھن چيو ته مڙس کيس ۽ سندس مائٽن کي قتل ڪرڻ جون ڌمڪيون پڻ ڏيندو آهي
ھن ايس ايس پي خيرپور ۽ ٻين وس وارن کان مطالبو ڪيو ته نوٽيس وٺي سندس مڙس خلاف قانوني ڪارروائي ڪئي وڃي ۽ کين تحفظ فراهم ڪيو وڃي