ڊکڻ ويجھو شر برادري جي ٻن ڌرين ۾ ھلندڙ تڪرار تان 2 ڀائر مارجي ويا

98 views | 07th Nov 2023 • سنڌي خبرون

ھٿياربندن فائرنگ ڪري دودو شر ۽ سندس ڀاءُ وحيد کي قتل ڪري ڇڏيو

ڊکڻ ٿاڻي جي حد ڳوٺ ڳڙهي صاحب خان لڳ شرن جي وانڍ ۾ ٽمو شر ۽ دودو شر ۾ پراڻي تڪرار تان ڌرين هڪٻئي مٿان فائرنگ ڪري ڏني جنهن ۾ ڌر دودو شر جا 2 سڳا ڀائر دودو شر ۽ وحيد شر مارجي ويا،
دودو شر ۽ ٽمو شر ڌرين ۾ سڱاوتي معاملي تان جهيڙو هلندڙ هو ٽمو شر واري ڌر جو هڪ ڄڻو مزاري شر مارجي ويو هو جنهن کانپوءِ دودو شر واري ڌر لڏي وئي هئي ٺاھ کان بغير ٻيهر واپس اچڻ تي ٻنهي ڌرين ۾ ڇڪتاڻ وڌي وئي جنهن ۾ ٻئي سڳا ڀائر قتل ٿي ويا آهن
ڊکڻ پوليس اطلاع ملڻ تي واقعي واري هنڌ پهچي لاش تحويل ۾ وٺي ڇڏيا جن کي پوسٽ مارٽم لاء اسپتال منتقل ڪيو پيو وڃي.