مورو ويجھو ڳوٺ گل محمد سيال جي رھواسين جو بااثرن ۽ پوليس خلاف احتجاج

145 views | 30th Oct 2023 • سنڌي خبرون

2مھينا اڳ اسان جو نوجوان پوليس اھلڪار گلشير لانگاھھ ھٿياربندن ھٿان مارجي ويو ھو: وارث

مورو (رپورٽر) مورو ويجھو ڳوٺ گل محمد سيال ۾ رات جي اونداھي ۾ پوليس جي ليبر ڪائونسلر پيپلز پارٽي يوسي ڪوٽ ستابو جي انفارميشن سيڪريٽريخميسو خان لانگاھ سميت لانگاھ برادريءَ جي گھرن تي چڙھائي چادر چوديواري جو تقدس پائمال ڪندي گھرن ۾ ڀنڃ ڊاھ عورتن معصوم ٻارڙن تي تشدد ڪرڻ واري عمل خلاف مردن عورتن معصوم ٻارڙن سان گڏجي احتجاجي مظاهرو ڪيو.جنھن جي اڳواڻي عبدالحڪيم، احمد خان، جميل احمد لانگاھ، عالم خاتون، مريم خاتون، ذرينا لانگاھ ۽ ٻيون ڪري رھيون ھيون جتي ھنن چيو تہ ٻہ مھينا اڳ مورو شھر جي خليفي سائين محلي ۾ اسان جي نوجوان پوليس اھلڪار گلشير لانگاھ کي بي درديءَ سان گوليون ھڻي قتل ڪيو ويو ھو جنھن جو ڪيس داخل ڪرايل آھي ۽ ھڪ مک جوابدار گرفتار ٿيل آھي جڏھن تہ باقي ٻاھر ھجڻ ڪري اسان جي سنگين نتيجا ڀوڳڻ جون ڌمڪيون ڏئي رهيا ھئا ۽ مسلسل پوليس جون چڙھايون ڪرائي اسان کي ڪيس تان ھٿ کڻائڻ زور ڏنو پيو وڃي.ھنن چيو تہ اسان غريب مسڪين پورھيت آھيون ھو بااثر ھجڻ ڪري اسان کي ڌمڪيون ڏنيون پيون وڃن ۽ رات جي اونداھي ۾ مورو سميت مختلف ٿاڻن جي پوليس گھرن تي چڙھائي ڪري چادر چوديواري جو تقدس پائمال ڪيو ۽ گھرن ۾ ڀنڃ ڊاھ، عورتن معصوم ٻارڙن تي تشدد ڪري ٻڪريون، ڪڪڙيون، سونا زيور، روڪ رقم کڻي ويا آھن. ھنن الزام ھڻندي چيو تہ اسان کي يار محمد لانگاھ، ستار، وقار، نويد لانگاھ ۽ ٻيا پوليس سان گڏجي ظلم ڪري رھيا آھن، ھنن چيو تہ نوجوان بہ اسان جو قتل ڪيو ويو آھي ۽ ڌمڪايو، ھيسايو بہ اسان کي پيو وڃي جيڪو سراسر ظلم ناانصافي آھي. ھنن مطالبو ڪيو تہ ملوث جوابدارن ۽ چڙھائي ڪندڙ پوليس خلاف سخت قانوني ڪارروائي ڪري انصاف تحفظ فراهم ڪيو وڃي ٻي صورت سخت احتجاج ڪيو ويندو.