سجاول ۾ ڪارساز سانحي جي شھيدن جي ياد ۾ 2 ڌار ڌار تقريبون منعقد

ڪارساز جي شھيدن پنھنجون جانيون قربان ڪري محترمھ بينظير ڀٽو کي بچايو ھو: شاھھ حسين شاھھ شيرازي

سجاول (گلشيرميربحر) سجاول ۾ سانحي ڪارساز جي شھيدن جي ياد ۾ سيد پور ۽ پارٽي آفيس سجاول ۾ ٻه ڌار ڌار تقريبون ٿي گذريون سيد پور ۾ ٿيل تقريب ۾ پيپلز پارٽي جي اڳوڻي ايم اين اي اياز حسين شاھ شيرازي،اڳوڻي ايم پي اي شاھ حسين شاهه شيرازي،چيئرمين ٽائون ڪميٽي سجاول سيد آفتاب حسين شاھ شيرازي،سيد نصير احمد شاهه شيرازي،وڏيرو محمد ٻارڻ،ظفر حميد ميمڻ،غياض ميمڻ، سنيل ڪمار،شھزاد عرف وڪي شاھ بخاري،عمران شيخ،ممتاز خليفو ،ستار شاعر، پيپلز پارٽي يوٿ جي اڳواڻ مير حزار خان زئور،سميت پارٽي ڪارڪنن وڏي انگ ۾ شرڪت ڪئي ان موقعي تي سابق ايم اين اي سيد اياز شاھ شيرازي،سيد شاھ حسين شاھ شيرازي،سيد نصير شاھ شيرازي،چيئرمين ٽائون ڪميٽي سجاول سيد آفتاب حسين شاهه شيرازي سيد حاجي بادشاهه شاھ شيرازي، ۽ ٻين خطاب ڪندي چيو ته شھيد زندھ آھن ۽ هو ڪڏھن به مرندا نه آھن، پيپلز پارٽي شھيدن جي وارث پارٽي آهي جنهن هميشه پنهنجي شھيدن ۽ انهن جي وارثن جي سار لڌي آهي اسانکي شهيدن تي فخر آهي تاريخ ۾ هميشہ کين سنھري لفظن سان ياد ڪيو ويندو ھنن چيو ته پ پ پ کي ختم ڪرڻ وارا ياد رکن پاڪستان پيپلز پارٽي شھيدن جي پارٽي آهي جيڪا بمن گولن سان به ختم نه ٿيندي مخالفن کي پيغام ڏيڻ چاھيون ٿا ته ايندڙ اليڪشن ۾ پاڪستان پيپلز پارٽي شاندار ڪاميابي ماڻي مخالفن کي تاريخي شڪست ڏيندي ۽ پاڪستان پيپلز پارٽي چيئرمين بلاول ڀٽو زرداري کي ملڪ جو وزيراعظم بڻايو ويندو،جڏھن ته پارٽي آفيس سجاول ۾ پيپلزپارٽي ضلعي سجاول جي صدر رئيس محمد علي خان ملڪاڻي چيئرمين ضلع ڪائونسل سجاول دانش خان ملڪاڻي،ارباب وزير احمد ميمڻ اڳوڻي ايم پي اي ھير سوھو، فردوس عزيز ميربحر، ڊاڪٽر اقبال ميمڻ،شاھمير گبول ۽ ٻين جي اڳواڻي ۾ ڪارساز جي شهيدن جي ياد ۾ تقريب منعقد ڪئي وئي جنهن ۾ پيپلز پارٽي جي عھديدار ۽ ڪارڪنن وڏي انگ۾ شرڪت ڪئي