ڪوٽڏيجي واسڻ ناري پسند جو پرڻو ڪري ڇڏيو، تحفظ جي گھُر

ڪومل چنو نديم گوپانگ سان خيرپور جي عدالت ۾ پسند جو پرڻو ڪري ڇڏيو

خيرپور ( ڊر ) ڪوٽڏيجي واسڻ نوجوان ناري ڪومل چنو نوجوان نديم گوپانگ سان عدالتي پسند جو پرڻو ڪري ڇڏيو، پيار پرڻو ڪندڙ جوڙي پاران تحفظ جي اپيل، تفصيل موجب ڪوٽڏيجي ٿاڻي جي حد ڳوٺ چنا ٿيٻا واسڻ نوجوان ناري ڪومل ڌيءَ نياز حسين چنو ڳوٺ غلام حسين گوپانگ جي رهواسي نوجوان نديم علي پٽ مور خان گوپانگ سان خيرپور جي عدالت ۾ پسند پرڻو ڪري ڇڏيو آهي، پيار پرڻو ڪندڙ جوڙي صحافين آڏو دانهيندي چيو ته ڪومل جو پيءُ نياز حسين چنو، ۽ مائٽ صدام حسين چنو، امجد علي، ذوالفقار علي چنو ۽ ٻيا پسند جو پرڻو ڪرڻ تان ڏمرجي پيا آهن، جيڪي ڪارنهن الزام هيٺ قتل ڪرڻ چاهين ٿا، ڪومل چنو ٻڌايو ته منهنجا مائٽ پيئسن عيوض موالي سان شادي ڪرائڻ چاهين پيا، پر مان ٽن ڪپڙن ۾ مائٽن جو گهر ڇڏي نڪري اچي نديم علي سان شريعت محمدي موجب پسند جو پرڻو ڪيو آهي، پر منهنجا مائٽ نديم علي گوپانگ ۽ سندس مائٽن خلاف اغوا، ڦر ۽ چوري جا ڪوڙا ڪيس داخل ڪرائي حراسان پيا ڪن، هنن آءِ جي سنڌ، ڊي آءِ جي سکر، ايس ايس پي خيرپور سميت وس وارن کان مطالبو ڪيو ته معاملي جو نوٽيس وٺي اسان کي انصاف ۽ تحفظ فراهم ڪيو وڃي،