ڪراچي جي ڪياماڙي واري علائقي مھراڻ ڳوٺ ۾ ھڪ ڏينھن واري مفت طبي ڪيمپ قائم

183 views | 08th Oct 2023 • سنڌي خبرون

ماھر ڊاڪٽرن 300کان وڌيڪ مريضن کي تپاسي کين مفت ۾ دوائون فراھم ڪيون آھن: عمران علي خان

ڪراچي (اسٽاف رپورٽر) ڪراچي جي ڪياماڙي واري علائقي مھراڻ ڳوٺ ۾ اي ايس ايڇ ويلفيئر آرگنائيزيشن طرفان ھڪ ڏينھن واري مفت ميڊيڪل ڪيمپ لڳائي وئي مفت ميڊيڪل ڪيمپ ۾ ويلفيئر جي چيئرمين عمران علي خان۔ڊاڪٽر عظمه ھاشمي۔ڊاڪٽر علي نواز گبول۔۽ ڊاڪٽر غلام شبير سميت ماھر ھوميوپيٿڪ ڊاڪٽرن شرڪت ڪري مريضن جي چڪاس بعد کين مفت دوائون ڏنيون ميڊيڪل ڪيمپ ۾ مھراڻ ڳوٺ جي نورالدين جمالي۔منير مگسي۔منصور ڏاوچ فقير محمد تنئي ۽ ٻين شرڪت ڪئي ان موقعي تي ڊاڪٽرن جو چوڻ ھو ته مھراڻ ڳوٺ ۾ ٽي سئو کان وڌيڪ مريضن جي چڪاس ڪري کين مفت دوائون ڏنيون آھن ھنن چيو ته کاري پاڻي سبب چمڙي جون بيماريون پکڙجي رھيون آھن سندن چوڻ ھو ته بنيادي سھولتن جي اڻھاٺ سبب به ھتان جا رھواسي مليريا بخار۔ڊينگي کنگھ ۽ ٻين بيمارين ۾ مبتلا آھن ان موقعي تي ميڊيا سان ڳالھائيندي سماجي اڳواڻ نورالدين جمالي ۽ ٻين چيو ته ڳوٺ ۾ بجلي گيس ۽ مٺو پاڻي نه ھئڻ ڪري ڳوٺاڻا ڪيترين ئي پريشانين ۾ مبتلا آھن ھنن نگران وڏي وزير ۽ وس وارن کي اپيل ڪئي آھي ته مھراڻ ڳوٺ کي بنيادي سھولتون ڏئي مٿن بيچيني ختم ڪئي وڃي