English
نوکریاں
سنڌي خبرون
سندھ
پاکستان
تازہ ترین
پہلا صفحہ
سجاول ۾ ڊپٽي ڪمشنر پاران لاڳاپيل عملدارن سان گڏ سول اسپتال جو دورو
views
|
01st Oct 2023
•
سنڌي خبرون
عوام کي سموريون گھربل سھولتون فراهم ڪرڻ اولين ترجيح ۾ شامل آهي:ڊپٽي ڪمشنر سجاول
سجاول (گلشيرميربحر) ڊپٽي ڪمشنر سجاول پاران لاڳاپيل عملدارن سان گڏ سول اسپتال سجاول ، گورنمينٽ گرلس ھاء اسڪول سجاول ۽ واٽر سپلائي و ڊرينيج سيدپور جو دورو ، تمام تر صورتحال جو جائزو ورتو , وزیر اعليٰ سنڌ رٽائرڊ جسٹس مقبول باقر جي خصوصي ھدايتن تي ڊويزنل ڪمشنر حيدرآباد خالد حيدر شاهه پاران ڊپٽي ڪمشنر سجاول عبدالواجد شيخ جي سربراهي ۾ ڊسٽرڪٽ ايجوڪيشن آفيسر سيڪينڊري ۽ پرائمري، ايگزيڪيوٽو انجنيئر ايجوڪيشن ورڪس ، ڊسٽرڪٽ ھيلٿ آفيسر ، ڊسٽرڪٽ مينيجر پي پي ايڇ آءِ، ايگزيڪيوٽو انجنيئر پراونشل بلڊنگز ، ايگزيڪيوٽو انجنيئر پبلڪ ھيلٿ ، اسسٽنٽ ڊائريڪٽر لوڪل گورنمينٽ ۽ ٻين لاڳاپيل ميمبرن تي مشتمل جوڙيل انسپيڪشن ٽيم پاران سول اسپتال سجاول، گورنمينٽ گرلس ھاء اسڪول، واٽر سپلائي ۽ ڊرينيج سجاول جو دورو ڪري سموري صورتحال جو جائزو ورتو - ان موقعي تي ڊپٽي ڪمشنر عبدالواجد شيخ لاڳاپيل ميمبرن سان گڏ واٽر سپلائي ۽ ڊرينيج ملازمن جي پوزيشن، پيئڻ جي پاڻي جي موجودگي ۽ فراھمي، ڊرينيج جي حالت، گورنمينٽ گرلس ھاء اسڪول ۾ شاگردياڻين جي داخلا ۽ حاضري، مقرر ۽ حاضر استادن جو تعداد، واش رومز ۽ ليبارٽري جي صورتحال، صفائي سٿرائي، پيئڻ جي پاڻي، بجلي ۽ فرنيچر جا تفصيل جڏهن ته سول اسپتال ۾ بيڊن، ڊاڪٽرن، ايڪسري، الٽرا سائونڊ، ليبارٽري ۽ دوائن جي موجودگي، آئي سي يو ۽ آپريشن ٿيٽر جي سھولتن ۽ صورتحال، صفائي سٿرائي، پيرا ميڊيڪل اسٽاف، طبي گند ڪچري جي نيڪال سميت عمارتن جي صورتحال جو معائنو ڪري لاڳاپيل عملدارن کان تفصيل پڻ ورتا- ان موقعي تي انسپيڪشن ٽيم جي چيئرمين ڊپٽي ڪمشنر عبدالواجد شيخ سمورن لاڳاپيل عملدارن کي سختي سان ھدايت ڪئي ته ھو پاڻيءَ جي فراھمي ۽ نيڪال، صحت جون بھتر سھولتون ۽ معياري تعليم جي فراهمي لاءِ سمورا وسيلا ڪتب آڻيندي پنھنجو ڀرپور ڪردار ادا ڪن ته جيئن ماڻهن کي بنيادي سھولتن جي فراهمي کي يقيني بڻائي سگهجي- ھن چيو ته استادن ۽ ٻين ملازمن جي حاضري، صفائي سٿرائي، ڊاڪٽرن، عملي ۽ دوائن جي موجودگي سميت بھتر طبي ۽ ٻيون سموريون شھري سھولتون ۽ عوامي خدمتن کي يقيني بڻايو وڃي، ان ڏس م ڪنھن به قسم جي ڪوتاهي برداشت نه ڪئي ويندي. ھن چيو ته عوام کي تعليم ۽ صحت سميت ٻيون سموريون گھربل بنيادي سھولتون فراهم ڪرڻ ضلعي انتظاميه جي اولين ترجيحي ۾ شامل آهي.
0
تبصرے
تبصرہ کریں
نام
مطلوب خانہ
ای میل
مطلوب خانہ
تبصرہ
مطلوب خانہ
Post comment
رجحانات
تازہ ترین
25th Jul 2025
•
تازہ ترین
گھوٹکی: ٹک ٹاکر ثمیرا ملک کی لاش برآمد، ورثاء کا قتل کا شبہ، دو افراد گرفتار
25th Jul 2025
•
آرٽيڪلز/ کالمز
انسانيت جو قتل دھشتگردي نام نهاد غيرت
25th Jul 2025
•
آرٽيڪلز/ کالمز
سرڪاري ملازمن تي تشدد آمريت جي ياد تازي ڪري ڇڏي
25th Jul 2025
•
سندھ
شرح سود 6فیصد تک لایا جائے تاکہ قرضے سستے ہوں اور صنعت ترقی کر سکے،ملک خدا بخش
27th Jul 2025
•
سنڌي خبرون
نوشهروفيروز پبلڪ پارڪ ۾ سهولتون فراهم ڪيون وينديون: سهيل اختر عباسي
27th Jul 2025
•
سنڌي خبرون
ڏوڪري ۽ ڀرپاسي برساتن بعد مڇرن جو آزار وڌي ويو، ڳوٺاڻا پريشان
27th Jul 2025
•
سنڌي خبرون
ڪارپوريٽ فارمنگ جي نالي ۾ ھر ضلعي اندر نئين رياست قائم ڪئي ويندي: اياز لطيف پليجو
27th Jul 2025
•
سنڌي خبرون
نوشهروفيروز ڊي سي آفيس ڀرسان وڻ وڍجي ويا، وڊيو وائرل ٿيڻ بعد ڪيس داخل
Categories
تازہ ترین
پاکستان
دنیا
صحت
شوبز
کھیل
سائنس اور ٹیکنالوجی
دلچسپ اور عجیب
سندھ
سنڌي خبرون
آرٽيڪلز/ کالمز
Tags
سجاول
ڊپٽي ڪمشنر
شيخ
جسٹس مقبول باقر
0 تبصرے