نوشھروفيروز ۾ زاھد ۽ راھب ميمڻ جي قتل ۾ ملوث جوابدارن جي گرفتاري لاءِ احتجاج

زاھد ۽ راھب ميمڻ کي 11 مھينا اڳ قتل ڪيو ويو، ضمانت رد ٿيڻ باوجود جوابدار گرفتار ناھن ٿيا: اڳواڻ

نوشهروفيروز(د ر) ابڙان ۾ ٿيل ٻٽي قتل جا جوابدار گرفتار نه ٿي سگھيا آھن. 11 مھينا گذرڻ باوجود به پوليس جوابدارن کي گرفتار ڪرڻ لاءِ ڪوبه قدم ناھي کنيو جنھن ڪري مقتولن جا وارث سخت پريشان آهن. مقتولن جا جوابدار گرفتار نه ٿيڻ خلاف وارثن احتجاج ڪيو. وارثن پريس ڪلب نوشهروفيروز آڏو پھچي احتجاجي مظاھرو ڪيو. ان موقعي تي وارثن ديدار، برڪت، نظام الدين ميمڻ، حاڪم ميمڻ ۽ ٻين چيو ته زاھد ۽ راھب ميمڻ کي 11 مھينا اڳ ڏينھن ڏٺي قتل ڪيو ويو. جڏھن ته جوابدارن جون ضمانتون به رد ٿي ويون آھن. ضمانت رد ٿيڻ باوجود پوليس جوابدارن کي گرفتار نه ٿي ڪرڻ لاءِ تيار ناھي. ڇاڪاڻ ته جوابدار ظفر شاھز مظفر شاھ، ذوالفقار شاھ، لطيف شاھ، لال محمد شاھ، منور مشوري، مجاھد شاھ انتھائي بااثر آھن. جيڪي اسان کي ڌمڪيون ڏئي رھيا آھن ۽ اسان کان ڪيس تان هٿ کڻڻ لاءِ پريشان ڪري رھيا آھن. ھنن چيو ته جوابدارن کي گرفتار ڪيو وڃي ۽ اسان کي تحفظ فراهم ڪيو وڃي.