جماعت اسلامي جي اڳوڻن جي سيد زين شاھ سان ملاقات

175 views | 05th Oct 2023 • سنڌي خبرون

سنڌ جو عوام مسلسل 15 سالن کان بک بدحالي ۽ محرومين جو شڪار رھيو: سيد زين شاھھ

ڪراچي/ سڪرنڊ (اسٽاف رپورٽر) جماعت اسلامي سنڌ جي اڳواڻ ۽ سياسي سيل جي انچارج عبدالحفيظ بجاراڻي جي قيادت ۾ جماعت اسلامي جي وفد ايس يو پي سربراهه سيد زين شاھ سان سيد ھائوس پھچي ملاقات ڪئي. وفد ۾ صوبائي اڳواڻ علامہ حزب الله جکرو، ضلعي اڳواڻ راشد مڪرم پڻ شامل ھئا. ٻنھي اڳواڻن سنڌ ۾ سياسي انتخابي صورتحال ۽ سنڌ کي سورن مان ڪڍڻ لاءِ جاکوڙ اتفاق ڪيو ۽ چيو تہ پ پ جي سنڌ ۾ مسلسل پندرھن سالن واري دور ۾ عوام کي بک بدحالي توڙي محرومين کان سواءِ ٻيو ڪجھ پلئه ناهي پيو. عوام ڪاري دور کان پوءِ پ پ مخالف ڌرين کي متحد ٿيل ڏسڻ چاھي ٿو. جماعت اسلامي جي وفد ماڙي جلباڻي واقعي سميت سنڌ جي ٻرندڙ مسئلن تي سائين زين شاھ جي جرائتمنداڻي ڪردار جي پڻ تعريف ڪئي. سيد زين شاھ چيو تہ وقت اچي ويو آھي تہ سنڌ جو عوام ھڏ ڏوکي ۽ رت چوسيندڙ قيادت ۾ فرق محسوس ڪري. ضرورت ھن ڳالھ جي آھي تہ سنڌ جي خوشحالي لاء سڀئي مظلوم گڏجي ووٽ جي طاقت سان ظالم قوتن کي عبرت ناڪ شڪست ڏيئي انتقام وٺن.