نوشهرو فيروز ۾ شاگردن پاران 10 سيپٽمبر تي ٿيل ميڊيڪل ٽيسٽ رد، احتجاجي مظاھرو

60 views | 22nd Sep 2023 • سنڌي خبرون

ڊاڪٽر سعد اللّٰه ڏاهري، ميرل ڏنگراچ، حسين عباسي، امين ميمڻ، سماجي اڳواڻن مسرور چانڊيو ۽ ماهنور شيخ احتجاج ڪيو

نوشهرو فيروز(ڊ ر) نوشهرو فیروز ۾ شاگردن 10 سيپٽمبر جي ميڊيڪل ٽيسٽ کي رد ڪندي ٻيهر ٽيسٽ ڪرائڻ جو مطالبو ڪندي پريس ڪلب آڏو احتجاجي ڌرڻو هنيو. ان موقعي تي ڊاڪٽر سعد اللّٰه ڏاهري، ميرل ڏنگراچ، حسين عباسي، امين ميمڻ، سماجي اڳواڻن مسرور چانڊيو ۽ ماهنور شيخ چيو ته ٽيسٽ ۾ ميرٽ بجاءِ رشوت وٺي پرچو آئوٽ ڪيو ويو. شاگردن وڏي تياري ڪئي هئي جنهن ۾ غريب شاگردن جي والدين جي پورهئي جو خرچ ٿيل هو پر ان کي وڏيرن ۽ ڪامورن غريبن جي ارمانن ۽ خوابن کي چڪناچور ڪري ڇڏيو. هنن چيو ته فوري طور تي ميڊيڪل ٽيسٽ جو ٻيهر اعلان ڪري نوجوان شاگردن مان مايوسي ختم ڪئي وڃي ٻي صورت ۾ وزير اعليٰ هائوس ڪراچي آڏو احتجاج ڪيو ويندو.