ڪراچي جي قديم وسندي مھراڻ ڳوٺ ۾ مفت طبي ڪيمپ قائم

132 views | 20th Sep 2023 • سنڌي خبرون

مرشد اسپتال جي سھڪار سان لڳايل مفت ڪيمپ ۾ 5 سئو کان وڌيڪ مريضن جو علاج ٿيو

ڪراچي (رپورٽر) ڪراچي جي ڪياماڙي واري علائقي جي قديم وسندي مھراڻ ڳوٺ ۾ مرشد اسپتال جي سھڪار سان ھڪ ڏينھن واري مفت ميڊيڪل ڪميپ قائم ڪئي وئي ميڊيڪل ڪيمپ ۾ مھراڻ ڳوٺ ويلفيئر جي اڳواڻن نورالدين جمالي۔منيراحمد مگسي ۔منصور ڏاوچ۔ فقير محمد ۽ ٻين سان گڏ ڊاڪٽرن شرڪت ڪئي مفت ميڊيڪل ڪيمپ م پنج سئو کان وڌيڪ مريضن جي چڪاس ڪري کين دوائون ڏنيون ويون ان موقعي تي سنڌ ٽي وي نيوز سان ڳالھائيندي نورالدين جمالي ۽ ٻين چيو ته مھراڻ ڳوٺ بنيادي سھولتن کان وانجھيل آھي ھنن چيو ته غربت سبب ڳوٺاڻا پنھنجو اعلاج نه ٿا ڪرائي سگھن صحافين سان ڳالھائندي ڊاڪٽرن جو چوڻ ھو ته پنج سئو کان وڌيڪ مريضن جي چڪاس ڪري کين مفت دوائون ڏنيون ويون آھن ھنن چيو ته چڪاس دوران مھراڻ ڳوٺ جي ستر سيڪڙو مريضن ۾ چمڙي ۽ مليريا جون بيماريون آھن ڊاڪٽرن جو چوڻ ھو ته مفت دوائن سان گڏ مختلف بيمارين ۾ مبتلا مريضن جو آپريشن به ڪيو ويندو