اڳوڻي ايم پي اي منور وساڻ پاران ڪراچي جي مختلف علائقن جو دورو

278 views | 17th Sep 2023 • سنڌي خبرون

عوام جي سهڪار سان بلاول ڀٽو زرداري کي ملڪ جو ايندڙ وزيراعظم بڻائينداسين: منور وساڻ

گڏاپ(رپورٽر) اڳوڻي ايم پي اي پاڪستان پيپلزپارٽي جي اڳواڻ منور وساڻ پاران ڪراچي جي مختلف علائقن جو دورو دورو ڪيو ويو جن عبدالله شاھ غازي ڳوٺ, سچل ڳوٺ, ايوب ڳوٺ منشيات ۽ نفسيات جي مشهور اداري ايڊيڪيئر سينٽر جو پڻ دورو ڪيو جتي سينٽر جي مئنيجنگ ڊائريڪٽر منظور حسين ڪانڌڙو ايڊووڪيٽ رياض ڪانڌڙو ۽ ٻين کيس ڀليڪار ڪيو. ان موقعي تي ميڊيا سان ڳالهائيندي اڳوڻي ايم پي اي ۽ ڪراچي جي پي ايس 100 جي متوقع اميدوار منور وساڻ چيو ته ڪراچي جو سچل ڳوٺ سنڌ جي هڪ بهتري تاريخي شخصيت حضرت سچل سرمست جي نالي سان منصوب ٿيل آھي ۽ هتي سچل ڳوٺ ۾ ايڊيڪيئر سينٽر جهڙو بهترين ادارو قائم ٿيل آھي جتي منشيات ۽ نفسيات جي مريضن بهترين سهولتن سان گڏوگڏ صفائي سٿرائي جو سسٽم ڏسي دل کي ڏاڍي خوشي محسوس ٿي. هڪ سوال جي جواب ۾ منور وساڻ چيو ته عوام جي سهڪار ۽ سان ملڪ جو ايندڙ پ پ چيئرمين وزيراعظم بلاول ڀٽو ذرداري کي بڻائينداسين. هن وڌيڪ چيو ته مخالف ڀلي ڪجھ به چون پر عوام اڄ به پ پ سان گڏ آھي ان موقعي مئنيجنگ ڊائريڪٽر ايڊيڪيئر سينٽر منظور حسين ڪانڌڙو چيو ته هي ادارو هيلٿ ڪميشن آف سنڌ وٽ رجسٽرڊ ٿيل آھي جتي منشيات ۽ نفسيات جي پاڪستان سطح جي ناليوارن ماهر ڊاڪٽرز جو خدمتون حاصل ڪيو ويون آھن, هن ٻڌايو ته اسان جي اسپتال ۾ 75 بسترا آھن مريضن بهترين سهولت مهيا ڪرڻ لاء وڌ کان وڌ ڪوشش ڪندا آھيون. ان موقعي تي ايڊووڪيٽ رياض ڪانڌڙو, ذاڪر ڪانڌڙو ۽ ٻيا پڻ موجود هئا.