گڏاپ ۾ بھار فائونڊيشن پاران منھنجي امڙ پبلڪ لائبريري ۾ مفت طبي ڪيمپ قائم

33 views | 17th Sep 2023 • سنڌي خبرون

مھانگائي جي پريشان عوام کي سھولت ڏيڻ جي لاءِ مفت طبي ڪيمپ ھڻائي آھي: اڳواڻ

گڏاپ( رپورٽر) سماجي تنظيم بھار فائونڊيشن پاران منھنجي امڙ پبلڪ لائبريري ۾ ھڪ ڏينھن جي فري ميڊيڪل ڪيمپ قائم ڪئي وئي ڪيمپ جو افتتاح ايس پي گڏاپ علي بخش ڍڪڻ ، مختيار ڪار ڪورنگي ممتاز علي چنه ، ھيڊ ماستر شفيع محمد ۽ سماجي اڳواڻ معشوق علي چنه جن ڪيو ان موقعي تي بھار فائونڊيشن جي چيئرمين سچل وڌو ، عبدالقادر سومرو ، صحافي محمد موسي چنه ۽ علي بخش چنه ميڊيا سان ڳالھائيندي چيو ته اسان جي ملڪ ۾ مھنگائي جو طوفان اچي چڪو آھي ماڻھو ھڪ وقت جي ماني کائڻ لاء پريشان آھن اھڙي وقت ۾ بھار فائونڊيشن غريب مسڪين ماڻھن لاء مفت علاج جو بندوبست ڪري تمام وڏو ڪم ڪيو آھي بھار فائونڊيشن جي چيئرمين سچل وڌيو چيو ته اسان ھر مھيني ۾ ھڪ ڪيمپ منھنجي امڙ لائبريري ڌڻي بخش بروھي ڳوٺ ۾ لڳائيندا آھيون ۽ ٻي ڪيمپ ڪنھن ھڪ سرڪاري اسڪول ۾ لڳائيندا آھيون ھن وڌيڪ چيو ته اسان سڀ کان وڌيڪ تعليم ۽ صحت تي ڪم ڪيون ٿا ڪراچي کان سواء سنڌ جي ٻين ضلعن سميت بلوچستان جي ڪيترن ئي علائقن ۾ ڪم ڪيون ٿا ماحول کي صاف سٿرو بنائڻ لاء ٻوٽا لڳرائي رھيا آھيون ۽ ان حوالي سان ماڻھن کي ماحول بھتر بنائڻ لاء سجاڳي جا پروگرام پڻ ڪرايون ٿا ، ميڊيڪل ڪيمپ ۾ ڊاڪٽر روي ڪمار 230 مريضن کي تپاسيو ڊاڪتر روي ڪمار ٻڌايو ته ڪراچي ۾ ھلندڙ اکين جي بيماري ، نزلي زڪام ، مليريا بخار سميت ڊينگي جي مريض کي تپاسي دوائون پڻ ڏنيون آھن ان موقعي ته لاڙڪاڻي کان آيل ريڊيو ٽي وي جو صوفي فنڪار معشوق علي مستانو ، منير احمد وڌيو ، غلام رسول چنه.ڪامران ميراڻي ، استاد عاشق حسين وڌيو ، حاجي قربان علي چنه ، فيضان وڌيو ۽ وقار علي وڌيو جن موجود ھئا