ڪياماڙي جي ماڙيپور گريڪس ۾ نوجوانن کي براين کان بچائڻ لاءِ جم جو افتتاح

اڳوڻي يوسي چيئرمين ملڪ فضل الاھي، پ پ اڳواڻ جاويد داد رحمان ۽ ٻين جم جو افتتاح ڪيو

ڪراچي(اسپورٽس نيوز) ڪياماڙي واري علائقي ماڙيپور گريڪس ۾ نوجوان نسل کي براين کان بچائڻ لاء جم جو افتتاح ڪيو ڪيو افتتاحي تقريب ۾ اڳوڻي يوسي چيئرمين ملڪ فضل الاھي ۔پ پ ضلعي ڪياماڙي جي انفارميشن سيڪريٽري جاويد داد رحمان۔ ڪائونسلر شوڪت بلوچ۔مسٽر پاڪستان نويد شاھ۔رحمان خان۔لياقت علي ۔نعيم بلوچ۔مدثر۔وسيم بلوچ۔صالم۔طفيل۔۽ ٻين شرڪت ڪئي ۽ جم جو افتتاح ڪيو ان موقعي تي ميڊيا سان ڳالھائيندي جاويد دادرحمان۔ملڪ فضل الاھي ۽ ٻين چيو ته نئي نسل کي منشيات ۽ آوارا گردي کان بچائڻ لاء جم جو افتتاح ڪيو آھي ھنن چيو ته ھڪ طرف شھري مھانگائي سبب پريشان آھي ته ٻئي طرف وري منشيات جي وڌندڙ ڪاروبار عوام کي پريشان ڪري ڇڏيو آھي سندس چوڻ ھو ته اھڙي قسم جي پروگرام سان صحت به ٺھي ٿي ته وري انسان براين کان به بچي سگھي ٿو جاويد دادرحمان ۽ ٻين چيو ته جم مردن سان گڏ عورتن کي به داخلا ڏني ويندي ته جئين مردن سان گڏ عورتون به ڀرپور حصو وٺي سگھن