سجاول ۾ ايس ايس پي شهلا قريشي جي حڪمن تي پوليس جون ڪارروائيون

مختلف علائقن مان ٻن منشيات فروشن سميت پنجن ڏوھارين کي گرفتار ڪري ورتو: پوليس

سجاول (رپورٽر) ايس ايس پي سجاول شهلا قريشي جي حڪمن تحت ضلع سجاول پوليس جون مختلف ٿاڻن جي حدن ۾ منشيات/گٽڪا فروشن ۽ روپوش جوابدارن جي گرفتاري لاءِ ڪامياب ڪارروائين جو سلسلو جاري، 3 روپوش جوابدار،2 منشيات/گٽڪا فروشن سميت پنج جوابدار گرفتار۔ ڪيس داخل ھڪ سوزوڪي پڪ اپ ڀاڄي جي ڪارٽونن ۾ لڪايل گٽڪو سپاري ۽ گٽڪن سميت تحويل ۾ پڻ ورتي وئي آھي 500 پوريون گٽڪو، 140 ڪلو گرام سپاري، هڪ سوزوڪي پڪ اپ ۽ 20 ليٽر ديسي شراب ٺرو برآمد تفصيل موجب ايس ايڇ او چوهڙ جمالي قربان علي سنجراڻي مخبرن جي مدد سان ٿاڻي جي حد اندر مختلف هنڌن تي ڪاميابي ڪارروايون ڪندي.ٻه روپوش جوابدار صابر علي ڀٽي ۽ محرم ڀٽي کي گرفتار ڪري ورتو آھي چوهڙ جمالي ٿاڻي جی گناھ نمبر 41/23 جي قلم 4,8 گٽڪا ايڪٽ تحت ٻئي گرفتار جوابدار روپوش ھيا, ايس ايڇ او سجاول قربان علي قمبراڻي، اسنيپ چيڪنگ دوران سجاول ٺٽو مين روڊ بئراج موري ویجھو ڪامياب ڪارروائي، ھڪ سوزوڪي پڪ اپ ڀاڄي جي ڪارٽونن ۾ لڪايل گٽڪو سپاري ۽ گٽڪن سميت تحويل ۾ وٺي گٽڪا فروش جوابدار حميدالله ميمڻ ،500 پوريون گٽڪو، 140 ڪلو گرام سپاري ۽ سوزوڪي پڪ اپ نمبر 1339 سميت گرفتار ڪري ورتو ,ٻي طرف انچارج سي آءِ اي اياز علي ميمڻ، جي مخفي اطلاع تي سجاول بدين روڊ، ھٿيار سم نالي ويجھو ڪامياب ڇاپو هڻي.دهشتگردي ڪيس ۾ روپوش جوابدار عبدالحميد جٽ کي گرفتار ڪريل ورتو آهي. گرفتار جوابدار بٺورو ٿاڻي جي گناھ 77/23 جي قلم 353,341,147,149 ۽ 6/7 ATA دھشتگردي جي ڪيس ۾ روپوش ھيو.