سجاول ۾ مختلف تنظيمن پاران دفاع جي ڏھاڙي تي ريليون ۽ تقريبون منعقد

مختلف اسڪولن ۾ سيمينار منعقد ڪري پاڪ فوج جي جوانن کي ڀيٽا پيش ڪئي وئي

سجاول(گلشيرميربحر) 6 سيپٽمبر يوم دفاع جي موقعي تي ملڪ جي ٻين شهرن جيان سجاول ۾ به مختلف تنظيمن پاران ريليون ڪڊيوويون آھن ۽ مختلف اسڪولن ۾ سيمينار منعقد ڪري پاڪ فوج جي جوانن کي ڀيٽا پيش ڪئي وئي سجاول ضلعي۾ مرڪزي تقريب بوائز ھاء اسڪول سجاول ۾ منعقد ڪئي وئي جنھن ۾ استادن شاگردن ،شھرين، واپارين ،۽ پاڪ فوج جي جوانن وڏي تعداد ۾ شرڪت ڪئي خبر موجب:پوري ملڪ جيان سجاول ۾ 6 سيپٽمبر يوم دفاع جو ڏھاڙو وڏي جوش و جذبي سان ملهايو ويو جنھن ۾ مختلف تنظيمن پاران ريليون ڪڊي پاڪ فوج زنده باد جا نعره ھنيا ويا ۽ مختلف اسڪولن ۾ تقريبون منعقد ڪري پاڪ فوج کي ڀيٽا پيش ڪئي وئي مرڪزي تقريب گورنمنٽ بوائز ھاء اسڪول سجاول ۾ منعقد ڪئي وئي جنھن ۾ استادن ، پاڪ آرمي جي جوانن ،سول سوسائٽي، مذهبي جماعتن ،معززين ۽ ٻارڙن وڏي انگ ۾ شرڪت ڪري شهيد فوجي جوانن کي ڀيٽا پيش ڪئي ۽ پاڪ فوج زنده باد جا نعره هنيا. يوم دفاع جي تقريب ۾ پاڪ فوج جي ڪيپٽن اويس پاڪ فوج جي جوانن سميت خصوصي طور شرڪت ڪئي يوم دفاع جي تقريب جي موقعي تي تقريرون ۽ ٽيبلوز پيش ڪيا ويا، جڏهن ته تقريب کي خطاب ڪندي بوائز ھاء اسڪول جي ھيڊ ماستر طفيل احمد ٽيمڙو، شڪيل ڀان،خالد کٽي،آصم رشيد،عبدالرشيد پنھور،ڏيوو چارڻ،واپاري ايسوسيئيشن جي اڳواڻ نياز ميمڻ،حاجي اسلم ميمڻ،۽ ٻين چيو تہ اڄوڪو ڏينھن اسان لاءِ تاريخي ڏينهن آھي ، ان ڏينھن تي اسان جي فوج توڙي عوام جانين جا نذرانا ڏيئي دشمن ملڪ جي ڪوششن کي ناڪام بڻايو ھو، پاڪ فوج جي ڏنل قربانين جو نتيجو آھي جو اڄ اسان پنھنجي ملڪ ۾ آزاد ۽ سٺي زندگي گذاري رھيا آھيون. اسين پاڪ فوج کي سلام پيش ڪريون ٿا. تقريب ۾ آيل مھمانن کي اجرڪون اوڌايون ويون ۽ ٻارڙن ۾ انعام پڻ ورهايا ويا آخر ۾ ملڪ عظيم جي ترقي ۽ خوشحالي لاءِ خصوصي دعائون گهريون ويون.