مڪلي ويجهو نوجوان جو ڪي ڊي اي واهه مان لاش هٿ

ڳوٺ علي محمد جوکيو واسي 25ورهين جي ضمير جوکيو جو لاش مليو

ٺٽو( محمد شفيق ڀٽي) مڪلي ويجھو ڳوٺ علي محمد جوکيو جي رھواسي 25 سالہ نوجوان ضمير علي ولد محرو جوکيو جو لاش KDA واھ مان وارثن کي مليو اھي، جنھن کي گچي ۾ رسو وجھي ڦاھو ڏيئي پيرن ۾ پٿر ٻڌي ڪي ڊي ڪينال ۾ اڇلايو ويو ھو، نوجوان جو لاش ڪي ڊي ڪينال تان گذرندڙ ماڻھن ڏسي مقامي ماڻھن کي ٻڌايو جن مڪلي ۽ جنگشاھي پوليس کي اطلاع ڏنو، پوليس بروقت پھچي لاش ڪڍرائي مڪلي سول اسپتال منتقل ڪيو، جتي فوتي نوجوان جي وارثن قتل جو شڪ ظاھر ڪندي چيو تہ سندس نوجوان ڪجھ ڪلاڪ پھرين گم ٿيو ھو، جنھن جي ھنن ڳولا پئي ڪئي تہ ان جو لاش ڪي ڊي اي واھ مان مليو اھي، ھنن چيو تہ سندن نوجوان کي قتل ڪري پاڻي ۾ اڇلايو ويو اھي، ھنن چيو تہ سندس نوجوان جو پوسٽ مارٽم ڪري سندس قتل جي جانچ ڪري ملوثن کي ڪيفر ڪردار تائين پھچايو وڃي، ھوڏانھن لاش ضروري ڪاروائي بعد گھر پھچڻ تي گھر ۾ ڪھرام مچي ويو، ٻئي طرف فوتي نوجوان جي وارثن پاران مڪلي ٿاڻي تي قتل جي ايف ائي ار داخل ڪرائڻ جون ڪوششون جاري ھيون، آخري اطلاعن تائين قتل جو ڪارڻ معلوم ٿي ناھي سگھيو.