شڪارپور ۾ اديب عديل مھر کان ڦر، اديبن جي گڏجاڻي

دانشور ممتاز منگي جي صدارت ۾ احتجاجي گڏجاڻي ٿي گذري

شڪارپور ( احسان ابڙو )سنڌ جي نامياري اديب عديل مھر کان ٿيل ڦر واري واقعي تي شڪارپور جي اديبن جي گڏجاڻي.پوليس جي سردمھري واري رويي تي سخت ڳڻتيءَ جو اظهار. احتجاج جو چتاءُ نالي واري اديب عديل مھر کان 2 ھفتا اڳ سول اسپتال ٻاھران ٿيل ڦر واري واقعي خلاف دانشور ممتاز منگي جي صدارت ۾ احتجاجي گڏجاڻي ٿي گذري جنهن کي خطاب ڪندي ممتاز منگي چيو ته ادبي سنگت جو تخليقي حوالي کان وڌيڪ اثرائتو حوالو جدوجهد جي پس منظر وارو آھي انڪري ادبي سنگت کي عديل سميت متاثر اديبن جو ڀرجھلو ٿيڻو پوندو عديل سان ٿيل زيادتي کان وڌيڪ افسوس پوليس جي خاموش تماشائي واري ڪردار جو آهي سيڪريٽري سنڌي ادبي سنگت شاخ شڪارپور ڊاڪٽر عامر عباس سومرو چيو ته ادبي سنگت ڪڏهن به ڪنهن به صورت ۾ ڪنهن به متاثر اديب کي نه اڪيلو ڇڏيو آهي ۽ نه اڪيلو ڇڏيندي جدوجهد جي ھر پرامن طريقي کي آزمائينداسين ان موقعي تي ڊاڪٽر شريف شاد سومرو ، حسام ميمڻ ، زبير ساجن، انور سومرو ، رفيق دايو، اسدالله سومرو ۽ ٻين پنهنجي خيالات جو اظهار ڪيو.