ايندڙ حڪومت پيپلزپارٽي جي ھوندي۽ بلاول ڀٽو وزيراعظم ٿيندو: شگفتا جماڻي

پ پ سنڌ ۾ ترقياتي ڪم، صحت ، تعليم، انڪم سپورٽ پروگرام سميت تمام گهڻو ڪم ڪيو آهي

شڪارپور ( رپوٽر) پيپلزپارٽي سنڌ ۾ ترقياتي ڪم، صحت ، تعليم، انڪم سپورٽ پروگرام سميت تمام گهڻو ڪم ڪيو آهي جنهن بنياد تي عوام وٽ ٻيھر وڃي رھيا آھيون، ايندڙ حڪومت پيپلزپارٽي جي ھوندي ۽ بلاول ڀٽو وزيراعظم ٿيندو اھڙن خيالن جو اظھار پ پ ليڊيز ونگ جي صوبائي صدر اڳوڻي ايم اين اي شگفته جماڻي ۽ ليڊيز ونگ جي صوبائي جنرل سيڪريٽري اڳوڻي ايم اين اي مھرين ڀٽو شڪارپور ۾ ڀيو هائوس تي پي پي ليڊيز ونگ جي پروگرام کي خطاب ڪندي ڪيو. ھنن وڌيڪ چيو ته ادي فريال ٽالپر جي هدايتن تي پي پي ليڊيز ونگ پاران سموري سنڌ جا دورا ڪري تقريبون ڪوٺائي تنظيم سازي کي وڌيڪ فعال ڪرڻ آھي اليڪشن کان اڳ سنڌ جي عورتن سان ملڻ آھي هنن چيو ته پي پي پنهنجي 15 سالن جي دور ۾ سنڌ ۾ تعلم صحت ترقياتي ڪم بي روزگار نوجوانن توڙي عورتن ۾ ميرٽ جي بنياد تي روزگار فراهم ڪيو آھي عوام جا بنياد مسئلا حل ڪيا آھن. هنن چيو ته ايندڙ اليڪشن ۾ پي پي وڏي اڪٽريت سان ڪاميابي ماڻي ايندڙ وزيراعظم بلاول ڀٽو زرداري هوندو. تقريب ۾ شڪارپور ضلعي جي شڪارپور، خانپور، لکي، ڳڙهي ياسين تعلقن مان وڏي انگ ۾ ليڊيز شرڪت ڪئي. ان موقعي تي پي پي ليڊيز ونگ شڪارپور جي اڳواڻ ميونسپل ڪاميٽي جي ڪائونسلر آپا نگهت منگي پاران آيل مهمانن کي آجياڻو پيش ڪيو ۽ مهمانن کي سنڌ جي ثقافت اجرڪن جا تحفا پيش ڪيا تقريب کي پي پي ليڊيز ونگ سنڌ جي صدر اڳوڻي ايم اين اي شگفته جماڻي ۽ پي پي ليڊيز ونگ سنڌ جي جنرل سيڪريٽري اڳوڻي ايم اين اي مهرين ڀٽو نهگت منگي آپا رخسانه مرکاڻي افروز سيٺار گل جهان سيٺار سميت ٻين خطاب ڪيو.