دادو ۾ هيومين رائيٽس فورم آف پاڪستان پاران فاطمه ڦرڙو واري واقعي خلاف احتجاج

پوري ملڪ ۾ معصوم ٻارڙن سان جنسي زيادتين ۽ قتل جا واقعا ڏينهون ڏينهن وڌي رهيا آهن

دادو (رپورٽر) هيومين رائيٽس فورم آف پاڪستان پاران شهيد فاطمه ڦرڙو سان انصاف لاءِ احتجاج ۾ دادو جي سياسي، سماجي ڌرين جي شرڪت،ٻارڙن سان جنسي زيادتي جي واقعن خلاف دادو ۾ سماجي تنظيم جي سڏ تي دادو پريس ڪلب آڏو احتجاجي مظاهرو ڪري قاتلن خلاف سخت نعريبازي ڪئي مظاهرين مارچ ڪري ڌرڻو هنيو .سماجي تنظيم جي اڳواڻن ممتاز پنهور، حسينه لغاري، مجيب پنهور، فاروق جتوئي، آصف جمالي، مختيار جتوئي ۽ ٻين چيو ته معصوم پري فاطمه کي بيدردي سان جنسي زيادتي بعد قتل ڪيو ويو، پهرين ميڊيڪل جي رپورٽ اچي وئي جنھن ۾ معصوم ٻارڙي فاطمه سان لڄالٽ جي تصديق ڪئي وئي آهي،پوري ملڪ ۾ معصوم ٻارڙن سان جنسي زيادتين ۽ قتل جا واقعا ڏينهون ڏينهن وڌي رهيا آهن، معصوم پري فاطمه سان جنسي زيادتي ۽ قتل ڪندڙ جوابدارن کي عبرتناڪ سزا ڏئي سندس وارثن سان انصاف ڪيو وڃي،