ڪراچيءَ ۾ پاڪستان جي آزادي ڏهاڙي جي مناسبت سان سماجي تنظيم پاران ريلي ڪڍي وئي

شاهه عبداللطيف ڀٽائي ويلفيئر ايسوسيئيشن پاران گريڪس ماڙي پور ۾ نڪتل ريلي ۾ شهرين جي شرڪت

ڪراچي (اسٽاف رپوٽر) پاڪستان جي آزاديء جي ڏهاڙي جي مناسبت سان سنڌ جي راڄڌاني واري شهر ڪراچيء جي علائقي ماڙيپور گريڪس ۾ سماجي تنظيم شاھ عبدالطيف ڀٽائي ويلفيئر ايسوسيئشن جي سڏ تي ريلي ڪڍي وئي. ريلي جي شروعات جسڪاڻي ميڊيڪل اسٽور کان ڪئي وئي ريلي مختلف روڊن ۽ رستن کان ٿيندي واپس گريڪس ۾ پڄاڻيء تي پهتي. شاندار ريلي ۾ شاھ عبدالطيف ڀٽائي ويلفيئر جي صدر بشير سنجراڻي، پي پي اڳواڻ چوڌري سعيد اقبال، معاذ خان، شيرعلي جسڪاڻي، وسيم عطر بھراڻي، راشد بھراڻي، عبدالحق جسڪاڻي، ذوالفقار جسڪاڻي ۽ شهرين وڏي انگ ۾ شرڪت ڪئي. ان موقعي تي ميڊيا سان ڳالھائيندي اڳواڻن چيو ته ملڪ جي آزاديءَ جي خوشي ملھائڻ اسان سڀني جي فرض ۾ شامل آھي. ھنن چيو ته ملڪ جي آزادي ۾ اسانجي وڏڙن ۽ پاڪ فوج جي جوانن جون قربانيون آھن.