معصوم فاطمه ڦرڙو جو قتل انسانيت جو قتل آھي: اياز لطيف پليجو

views | 20th Aug 2023 • سنڌي خبرون

پيپلز پارٽي جي 15 سالن جي حڪمراني قانوني ۽ آئين جي رٽ کي ختم ڪري ڇڏيو آھي

حيدرآباد(بيورو) قومي عوامي تحريڪ جي سربراھ اياز لطيف پليجي چيو آهي تہ معصوم فاطمه ڦرڙو جو قتل انسانيت جو قتل آھي، سنڌ کي عورتن ۽ ٻارن جي مقتل گاھ بنايو ويو آھي. جاگيرداري، سرداري، وڏيرا شاھي سنڌ کي انساني حقن جي لتاڙ جو مرڪز بنائي ڇڏيو آھي. پيپلز پارٽي جي 15 سالن جي حڪمراني قانوني ۽ آئين جي رٽ کي ختم ڪري ڇڏيو، جيڪو جيترو طاقتور آھي، اھو ايترو وڏو ظلم، بربريت ۽ انساني حقن جي لتاڙ جا مثال قائم ڪري ٿو. ھاري، مزدور ۽ اقليتي بنيادي انساني حقن کان محروم ڪيا ويا آھن. ھن اھڙو اظھار حيدرآباد پريس ڪلب ۾ لا ڪانفرنس کي خطاب ڪندي ڪيو. اياز لطيف پليجي وڌيڪ چيو تہ ملڪ کي انتھاپسندي جي باھ ۾ اڇلايو پيو وڃي. سنڌ جي لکين ايڪڙ زمين تين وال ڪرڻ جو ڪنھن کي به اختيار ناھي. سنڌي مارشل ريس ناھن، ھنن کي جھيڙن ۽ فسادن جي خبر ناھي. ڪارونجھر ۽ فاطمه جي قتل تي سنڌي سماج زبردست مزاحمتي ردعمل ڪيو آھي. اياز لطيف پليجي چيو تہ مرشد فراڊ آھن، ٺڳي آھن.. آدمشماري تي سنڌ گھربل احتجاج ۽ رد عمل نه ڏيکاريو. ڪوڙي ڊجيٽل آدمشماري سنڌ جي وحدت تي حملو آھي. اياز لطيف پليجي چيو تہ پاڪستان جو آئين سوچي سمجھي نہ ٺاھيو ويو. ڪيترائي مونجهارا موجود آھن. نوجوان ميرٽ ذريعي اڳتي اچن. ڪانفرنس کي امداد انڙ، وھاب منشي ۽ ٻين وڪيلن پڻ خطاب ڪيو.