دادو ۾ ليگل ايڊ سوسائٽي پاران عوام ۾ سجاڳي پيدا ڪرڻ لاءِ سيمنار منعقد

سيمينار ۾ پروگرام ڊليوري اسپسليٽ حسن سعيد، پروگرام مينئجر وجيه گيلاني، زاهد چانڊيو ۽ ٻين آگاهي ڏني

دادو (عبدلعزيز ٻٻر) ليگل ايڊ سوسائٽي دادو پاران عوام ۾ سجاڳي پيدا ڪرڻ بابت ھڪ ڏينھن ڪيپسٽي بلڊنگ (سجادڳي پيدا ڪرڻ ) وارو سيمينار جيم خانا دادو ۾ منقعد ڪيو ويو جنهن ۾ ضلعي اندر ڪم ڪندڙ مختلف سماجي تنظيمن جي عهديدارن ۽ نمائندن شرڪت ڪئي . ان موقعي سيمينار / ورڪشاپ ۾ ڄاڻ ڏيندي پروگرام ڊليوري اسپسليٽ حسن سعيد ، پروگرام مينئجر وجيه گيلاني، زاهد چانڊيو ۽ ٻين ليگل ايڊ سوسائٽي جي اڳواڻن ٻڌايو ته گذريل سالن جي شديد برساتن ۽ ٻوڏ دوران دادو ضلعو سڀ کان وڌيڪ متاثر ٿيو هيو جتي سندن قيمتي سامان جن ۾ شناختي ڪارڊ ۽ ٻيا دستاويز لڙھي ۽ گم ٿي ويا هيا اهي ٺھرائي ڏيڻ سميت بينظير انڪم سپورٽ پروگرام جا پئسا ڏيارڻ ۽ سندن قانوني ۽ اخلاقي مدد ڪرڻ لاء ليگل ايڊ سندن ڀرپور مدد ڪري رهي آھي ان موقعي تي هڪ ڏينهن واري هن سيمينار ۾ مختلف سماجي تنظيمن جي اڳواڻن ۽ نمائندن پنهنجون تجويزون پيش ڪيون ۽ چيو ته ھن قسم جا سيمينار ھر مھيني ٿيڻ گھرجن ته ٻوڏ متاثرن جي مدد ۽ واھر ٿي سگهي