آءِ جي سنڌ سينئر صحافي جان محمد مهر جي قتل واري واقعي بابت جاچ ٽيم جوڙي ڇڏي

156 views | 16th Aug 2023 • سنڌي خبرون

ڊي آءِ جي تنوير عالم اوڍو جي سربراهي ۾ جوڙيل جاچ ٽيم بابت نوٽيفڪيشن جاري

آءِ جي سنڌ پوليس غلام نبي ميمڻ جان محمد مھر جي قتل واري واقعي بابت ڊي آءِ جي تنوير عالم اوڍو جي سربراهي ۾ جاچ ٽيم جوڙي ڇڏي، جاچ ٽيم ۾ ايس ايس پي سکر سنگھار ملڪ، ايس ايس پي خيرپور مير روحيل خان کوسو، اي ايس پي گمبٽ نعمان ظفر، ايس پي سي ٽي ڊي سکر عبدالقدوس ڪلوڙ بہ جاچ ٽيم جا ميمبر طور شامل، ٽيم کي هدايت ڪئي وئي آهي ته جاچ لاءِ گهڻ رخي پاسن کي نظر رکندي سمورا وسيلا ڪتب آڻي جوابدار گرفتار ڪيا وڃن، نوٽيفڪيشن موجب فارنزڪ، ڊجيٽل ۽ ٽيڪنيڪل طريقا استعمال ڪري جاچ ڪئي وڃي، گرفتار جوابدارن جو 164 وارو بيان به رڪارڊ ڪيو وڃي. آئي جي سنڌ پوليس ڪيس جي جاچ ۾ اڳڀرائي متعلق هر ٽن ڏينهن ۾ رپورٽ جمع ڪرائڻ جي به ڪاميٽي جي سربراهه کي هدايت ڪئي آهي.