شڪارپور ۾ آل پاڪستان ڪلرڪس ايسوسئيشن جي مطالبن جي مڃتا لاءِ ريلي

ننڍن ملازمن سان کاتي ۾ زيادتيون وڌي ويون آهن، جبري بدلين سميت سمورا مسئلا حل ڪيا وڃن: اڳواڻ

شڪارپور ( احسان ابڙو) آل پاڪستان ڪلرڪس ايسوسئيشن ضلعي شڪارپور طرفان (آپڪا ايجوڪيشن ) عبدالنبي دايو اسسٽنٽ ڊاريڪٽوريٽ آف اسڪول ايجوڪيشن (پرائمري) ۽ آپڪا ايجوڪيشن يونٽ صدر لاڙڪاڻو جي ٿيل جبري بدلي جي خلاف سموري لاڙڪاڻو ڊويزن سميت شڪارپور ضلعي ۾ به تقريبن 18 ڊپارٽمينٽس جن ۾ ايجوڪيشن‚ ھيلٿ ‚ پاپوليشن‚ اسڪارپ ڊرينيجڊويزن‚ ميونسپل‚ ھاء ويز, پبلڪ ھيلٿ‚ فوڊ‚ فاريٽ ‚ لوڪلگورنمينٽ‚ زڪوات اشور‚ ايڪسائيز‚ ڪاليج ايجوڪيشن‚تعلقه ڳڙھي ياسين‚ ‚ لکي ۽ تعلقه خانپور جي سمورن کاتن جي ڪلارڪن سخت گرمي ۾ وزير تعليم جي P.A عبدالحليم سومري خلاف احتجاجي ريلي ۽ مظاھرو ڪيو ـ ريلي ڊي اي او (پرائمري) آفيس کان نڪتي جيڪا مختلف رستن تان ٿيندي پريس ڪلب شڪارپور تي پھتي جتي ڌرڻو لڳايو ويو مظاھرين جي ھٿن ۾ بينر ھئا ۽ جبري بدلي خلاف ڇتي ناريبازي ڪندا رھيا مظاھرين خطاب ڪندي ضلعي صدر عبدالوھاب ڪاغزي‚ نظير حسين شاھ‚ مجاھد حسين لانگھا ‚ شفيق احمد شيخ ‚ جاويداحمدسومرو‚ محد عزير قريشي ‚ شيراز احمد ڪيھر‚ عنايت علي ميمڻ تعلقه صدر ڳڙھي ياسين‚ محمد الياس تعلقه صدر لکي محمد سچل ڀيو‚ عبدالرشيد سومرو، الطاف احمد جويو‚ احسان احمد ڪانڌڙو‚ رحيم بخش سومرو ‚ سراج احمد سومرو ‚ نسيم احمد اڄڻ ۽ ٻين پنھنجي خطاب ۾ چيو ته ھر روز ننڍن ملازمن کي جبري رپورٽ ٿو ڪرايو وڃي ڪنھن کي سسپينڊ ڪيو ٿو وڃي ته ڪنھن جي پگھار بند ڪئي ٿي وڃي ڪلارڪ آفيس جي اندر سرڪار ۽ سرڪاري ڪم پورا ڪن ٿا پوء به عبدالنبي دايو اسسٽنٽ جھڙن بھادر ڪلارڪن کي بغير ڪنھن جواز جي بدلي ڪري ڪراچي موڪليو ويو آھي اڳواڻن سنڌ حڪومت ۽ وزير تعليم کان پرزور مطالبو ڪيو ته جبري بدلي واپس ورتي وڃي نه ته ٻي صورت ۾ پوري سنڌ ۾ احتجاج جو دائرو وڌايو ويندو