نوشھروفيروز ضلعي ڪائونسل جو اجلاس ضلعي چيئرمين جي صدارت هيٺ اجلاس

سهيل اختر عباسي جي صدارت ۾ ٿيل اجلاس ۾ 98 ڪروڙ 87 لک 90 هزار روپين جي بجيٽ پيش ڪئي وئي

نوشھروفيروز (عطا حسين سمون)ضلع ڪائونسل نوشهرو فيروز جو اجلاس ضلعي چيئرمين سهيل اختر عباسي جي صدارت ۾ ڊپٽي ڪمشنر ڪميٽي هال ۾ ٿي گذريو جنهن ۾ سال 2023 ۽ 2024 لاء 98 ڪروڙ 87 لک 90 هزار روپين جي بجيٽ پيش ڪئي وئي. اجلاس جي ڪارروائي وائيس چيئرمين علي شير ڀرٽ هلائي ضلع چيئرمين سهيل اختر عباسي بجيٽ پيش ڪندي چيو ته ٽوٽل آمدني 98 ڪروڙ 73 لک 21 هزار 196 روپين جا خرچ ڏيکاريندي تفصيل ٻڌايا ته ضلع ڪائونسل جي نئين بلڊنگ لاءِ 10 ڪروڙ، ملازمن جو پگهارون ۽ پينشن 42 ڪروڙ 73 لک 44 هزار 596 روپيا، سرڪاري خرچن لاءِ 30 لک 50 هزار، متفرقه خرچن لاءِ 5 ڪروڙ 60 لک 95 هزار 405 روپيا، سوشل ويلفيئر خرچن لاءِ 80 لک روپيا، مذھبي ۽ قومي ڏهاڙا فلاح و بهبود جي ڏهاڙن لاءِ 26 لک روپيا، قدرتي آفتن جي لاءِ 86 لک روپيا، گذريل سالن جي رهيل اسڪيمن لاءِ 6 ڪروڙ 81 لک روپيا، نون ترقياتي سال 2023.24 لاءِ 30 ڪروڙ روپين سميت ٽوٽل 98 ڪروڙ 70 لک 90 هزار روپين جي بچيٽ پيش ڪئي وئي جيڪا بجيٽ اتفاق راءِ سان منظور ڪئي وئي، اجلاس کي صدارتي خطاب ڪندي چيئرمين سهيل اختر عباسي چيو ته اسان کي فخر آھي ته هر يونين ڪائونسل ۾ بغير ڪنهن سياسي فرق جي ترقياتي ڪم ڪرائينداسين ۽ ڪوشش ڪنداسين ته غريب ماڻھن جي مدد ڪري ڪري سگهون اسان هن بجيٽ ۾ اهم منصوبو ضلع ڪائونسل جي پنهنجي بلڊنگ ٺهرائڻ آھي مان سڀني ميمبرن جو ٿورائتو آھيان جن تعاون ۽ اعتبار ڪيو آھي هي ايوان ۾ اسان هڪ گهر جي ڀاتين جيان آھيون اوهان جو مان شڪر گذار آهيان ڪائونسل جي ميمبرن ۽ ملازمن جو جيڪي ٻانهن ٻيلي ٿيا آھن ان موقعي تي ضلع ڪائونسل جو چيف آفيسر نبي بخش رند، ايس ڊي او سهيل احمد چنه، ايس ڊي او شاهد حسين اڄڻ ۽ ٻيا موجود هيا