ضروري آهي ته وياجي نظام ۽ آءِ ايم ايف جي غلامي کان نجات حاصل ڪئي وڃي
ڪراچي(اسٽاف رپورٽر) جماعت اسلامي سنڌ جي امير اڳوڻي ايم اين اي محمد حسين محنتي آءِ ايم ايف جي فرمائش تي وفاقي بجيٽ ۾ 215ارب جا وڌيڪ ٽيڪس لڳائڻ جي نويد کي بدترين غلامي ۽ پي ڊي ايم حڪومت جي ناڪامي قرار ڏيندي گهر ڪئي آهي ته آءِ ايم ايف سان ٿيل معاهدن جي تمام تفصيلات کي قوم جي سامهون آندو وڃي.هن اڄ هڪ بيان ۾ وڌيڪ چيو ته اسان اڳ ۾ ئي بجيٽ کي مسترد ڪري چڪا آهيون ڇو ته هي صرف انگن اکرن جو هيرڦير وياج ۽ قرضن جي معيشت جي بجيٽ آهي، جنهن جو وڏو حصو وياج توڙي قرضن جي واپسي ۾هليو ويندو.انڪري منظورٿيندڙ بجيٽ حقيقتن کان ڪوهين پري آهي.حڪمرانن جي مفاد پرستي توڙي ناڪام معاشي پاليسن سبب زندگي جو هرشعبو زبون حالي جو شڪار آهي سواءِ حڪمرانن جي ذاتي ڪاروبار ۽ شاهاڻي زندگي جي. هن گهر ڪئي ته ملڪ جي خوشحالي،عوام کي رليف ۽ معيشت جي بحالي لاءِ حقيقتن تي ٻڌل بجيٽ ٺاهي وڃي جنهن لاءِ ضروري آهي ته وياج ۽ آءِ ايم ايف جي غلامي کان نجات حاصل ڪئي وڃي.
0 تبصرے