ميرپورماٿيلو جي لعل شاهه محلي واسڻ عورت مبينا قتل

پوليس اهلڪار گلڻ بوزدار، شاهد، شائق، ڀورل بوزدار ۽ ٻين حملو ڪري ڀيڻ کي قتل ڪيو: جلال بوزدار

ميرپورماٿيلو(رپورٽر) ميرپورماٿيلو شهر جي لعل شاه محلي جي رهواسڻ عورت مسمات عظمت بوزدار فوت وارثن پاران مخالف ڌر مٿان قتل جو الزام، گذريل رات دير سان عورت مسمات عظمت بوزدار فوت ٿي وئي سندس ڀاء جلال بوزدار ڀيڻ جو لاش کڻائي ميرپورماٿيلو پوليس ٿاڻي تي پهچي الزام هنيو آهي ته جوابدار پوليس اهلڪار گلڻ بوزدار،شاهد،شائق،ڀورل بوزدار وارن حملو ڪري ڌڪ هڻي منهنجي ڀيڻ کي قتل ڪيو آهي پوليس ۽ وارث فوتي عورت جو لاش کڻائي ڊي ايڇ ڪيو اسپتال ميرپورماٿيلو مان ضروري ڪاروائي بعد وارثن حوالي ڪري ڇڏيو آهي لاش گهر پهچڻ تي سندس گهر ۾ روڄ راڙو متل هو آخري اطلاعن تائين ڪيس داخل نه ٿي سگهيو هو. هوڏانهن الزام هيٺ آيل پوليس اهلڪار گلن بوزدار قرآن پاڪ سامهون رکي وڊيو بيان ۾ چيو آهي ته هن قرآن تي اسان قتل ناهي ڪجهه عرصو اڳ جوابدارن جلال بوزدار ۽ مقبول بوزدار منهنجي پيرسن چاچي حاجل بوزدار کي قتل ڪيو هاڻي عورت بيماري سبب فوت ٿي آهي جنهن جو الزام اسان مٿان ناحق جو مڙهي ڪوڙو ڪيس داخل ڪرائن چاهين ٿا هن ايس ايس پي گهوٽڪي ڊي آئي جي سکر ۽ بين کي جاچ ڪرڻ جو مطالبو ڪيو