روهڙي ڪئنال ۾ ڪِري پيل موٽرسائيڪل سوار 2 ڄڻا ٻئي ڏينهن به هٿ نه آيا، وارث پريشان

نوشهروفيروز (ڊ ر)روهڙي ڪئنال ۾ ڪريل ٻن موٽرسائيڪل سوارن جا لاش ٻئي ڏينهن به هٿ نه اچي سگهيا، ڳولا جاري, گذريل ڏينهن روهڙي ڪئنال جي پهل ريگيوليٽر وٽ ڪئنال ۾ ڪري پيل ٻن موٽرسائيڪل سوارن جا لاش ٻئي ڏينهن به هٿ نه اچي سگهيا، جڏهن ته لاشن جي ڳولا لاءِ ريسڪيو ۽ انتظاميا جون ڪوششون جاري آهن۔ تفصيل موجب ڳوٺ خيبر خان وڳڻ جا رهواسي 19 ورهين جو غلام علي ولد شمن علي وڳڻ ۽ 11 ورهين جو علي ولد علي ڏنو وڳڻ سدھوجا-وايا پهل لنڪ روڊ تان گذرندي روهڙي ڪئنال جي پهل ريگيوليٽر موري ڀرسان ڪئنال ۾ ڪري پيا هئا واقعي کان پوءِ پهل پوليس واقعي واري هنڌ تان ٻنهي جا بٽوا هٿ ڪيا، جن مان هڪ جو سڃاڻپ ڪارڊ ۽ ڪجهه رقم پڻ ملي آهي۔ مقامي ماڻهن جي نشاندهي ۽ ٻين شاهدين جي بنياد تي ٻنهي ڄڻن جي ڪئنال ۾ ٻڏي وڃڻ جي تصديق ٿيڻ بعد لاشن جي ڳولا جو سلسلو شروع ڪيو ويو۔ذريعن موجب ٻن ڏينهن کان جاري ڳولا باوجود تاحال ٻنهي نوجوانن جا لاش هٿ نه اچي سگهيا آهن، جنهن سبب سندن گهرن ۾ ڪهرام مچي ويو آهي ۽ وارث سخت پريشاني ۾ مبتلا آهن۔ ان سلسلي ۾ ڊپٽي ڪمشنر نوشهروفيروز محمد ارسلان سليم ميڊيا سان ڳالهائيندي چيو ته لاشن جي ڳولا لاءِ غوطه خور ٽيم طلب ڪئي وئي آهي، جيڪا جلد پهچي سرچ آپريشن ۾ حصو وٺندي ۽ لاش هٿ ڪرڻ لاءِ هر ممڪن ڪوشش ڪئي ويندي۔