ٽنڊو غلام علي ويجهو ڳوٺ پوڙھو خان لاشاري ۾ نوجوان ناري ڇرين جا وار ڪري قتل

ڀيڻ فهميده کي سندس مڙس موسيٰ خان پٺاڻ ۽ ڏير ڇرين جا وار ڪري قتل ڪرڻ بعد فرار ٿي ويا: غازي خان پٺاڻ

ٽنڊوغلام علي(رپورٽر) ٽنڊوغلام علي لڳ ڳوٺ پوڙھو خان لاشاري ۾ مبينا طور مڙس موسي خان پٺاڻ ھٿان پنهنجي گهر واري فهميده پٺاڻ کي ڇرين جا وار ڪري بيدردي سان قتل ڪري فرار ٿي ويو اطلاع تي پوليس پهچي لاش کڻائي پوسٽ مارٽم لاء ماتلي روانو ڪيو واقعي کانپوء جوابدار فرار ٿي ويو ان موقعي تي فوتڻ ناري جي ڀاء غازي خان پٺاڻ صحافين کي ٻڌايو ته منهنجي ڀيڻ کي سندس مڙس موسي خان پٺاڻ ۽ سندس ڀائيرن گڏجي بيگناھ ڇرين جا وار ڪري بيدردي سان قتل ڪري فرار ٿي ويا۔ رابطو ڪرڻ تي پوليس ٻڌايو ته ناري جو پوسٽ مارٽم لاء لاش ماتلي اسپتال منتقل ڪيو آھي ۽ جوابدارن کي گرفتار ڪرن لاء پوليس رواني ٿي وئي آھي۔