عمرڪوٽ ۾ پيئڻ جي پاڻي جي کوٽ خلاف ويهرو واسين جو نٽهڻ اُس ۾ ڌرڻو

ويهرو شريف جي مختلف پاڙن ۾ پيئڻ جي پاڻي جي سخت کوٽ آهي، سخت تڪليفن کي منهن ڏيڻ تي مجبور آهيون: مظاهرين

عمرڪوٽ(رپورٽ:ڪانجي مل رکيسر) عمرڪوٽ ۾ پيئڻ جو پاڻي ناياب بڻيل، ويھرو جي رھواسين طرفان پاڻي جي کوٽ خلاف احتجاجي ريلي، مظاھرو ڪري نٽھڻ اس ۾ مک باء پاس تي ڌرڻو ھنيو ويو سخت نعري بازي خبر موجب عمرڪوٽ ۾ پيئڻ جي پاڻي جي کوٽ شدت اختيار ڪري ويئي آھي ۽ پاڻي جي فراھمي نه ٿيڻ تي ڳوٺ ويھرو شريف جي رھواسين طرفان ريلي ڪڍي مک ويھرو باء پاس تي مظاھرو ڪري نٽھڻ اس ۾ ڌرڻو ھڻي سخت نعري بازي ڪئي ويئي جنھن دوران ڇاڇرو، عمرڪوٽ شھر ڏانھن ايندڙ مک روڊ بلاڪ ٿي ويو ۽ ٽريفڪ معطل ٿي ويئي احتجاجي مظاھري دوران دانھيندي اڳواڻن درگاهه ميان جان محمد جي گادي نشين غلام محمد ڪيريو، شڪيل ڪيريو، مجنون، خوشحال ۽ ٻين چيو ته ويهرو شريف جي مختلف پاڙن ۾ پيئڻ جي پاڻي جي سخت کوٽ آهي، جنهن سبب علائقي واسين کي سخت تڪليفن کي منهن ڏيڻو پئجي رهيو آهي ۽ من پسند پاڙن کي پاڻي فراهم ڪيو پيو وڃي جيڪا ظلم آھي سندن دانهن ٻڌڻ لاءِ ڪير به تيار ناهي، جنهن ڪري علائقي جا رهواسي سخت مايوسي ۽ پريشاني جو شڪار آهن ھنن مطالبو ڪيو ته فوري طور پيئڻ جو صاف پاڻي فراهم ڪيو وڃي، احتجاج ڪندڙن چتاءُ ڏيندي چيو ته جيڪڏهن سندن جائز مطالبا جلد تسليم نه ڪيا ويا ته هو عمرڪوٽ پريس ڪلب اڳيان بک هڙتال سميت احتجاجي تحريڪ هلائڻ تي مجبور ٿيندا