ملير جي آچالار سالار ڳوٺ ڀرسان حادثي ۾ نوجوان فوت، ٻيو زخمي

ملير (رپورٽ: عبدالرشيد مورجھريو) ملير جي علائقي آچالار سالار ڳوٺ ڀرسان تيز رفتار نامعلوم گاڏي موٽر سائيڪل کي ٽڪر هڻي فرار ٿي وئي، جنهن جي نتيجي ۾ هڪ نوجوان فوت ٿي ويو جڏهن ته ٻيو سخت زخمي ٿي پيو۔اطلاعن موجب حادثو آچالار سالار ڳوٺ ڀرسان پيش آيو، جتي تيز رفتار نامعلوم گاڏي سامهون ويندڙ موٽر سائيڪل کي زوردار ٽڪر هنيو۔ حادثي جي نتيجي ۾ موٽر سائيڪل سوار نوجوان افسار جوکيو موقعي تي ئي سخت زخمي ٿي پيو، جنهن کي ڳڻتي جوڳي حالت ۾ اسپتال منتقل ڪيو ويو، جتي هو زخمن جا سور نه سهندي فوت ٿي ويو۔حادثي ۾ زخمي ٿيندڙ نوجوان جي سڃاڻپ سمير جوکيو طور ڪئي وئي آهي، جنهن کي طبي امداد لاءِ اسپتال منتقل ڪيو ويو، جتي سندس علاج جاري آهي۔ اسپتال ذريعن موجب زخمي نوجوان جي حالت خطري کان ٻاهر ٻڌائي پئي وڃي۔حادثي کانپوءِ علائقي ۾ ڏک ۽ ڪاوڙ جي لهر پکڙجي وئي، جڏهن ته فوتي نوجوان جي گهر ۾ ڪهرام مچي ويو۔ واقعي بعد مقامي ماڻهن پوليس کي اطلاع ڏنو، جنهن بعد پوليس پهچي ضروري ڪارروائي شروع ڪري ڇڏي۔مقامي رهواسين مطالبو ڪيو آهي ته علائقي ۾ وڌندڙ ٽريفڪ حادثن تي ضابطو آڻڻ لاءِ اسپيڊ ڪنٽرول ۽ ٽريفڪ قانونن تي سختي سان عمل ڪرايو وڃي ته جيئن وڌيڪ انساني جانيون ضايع ٿيڻ کان بچي