سيد ضياءُ الحسن شاهه زرعي يونيورسٽي ڪئمپس عمرڪوٽ جو پرو وائيس چانسلر مقرر

عمرڪوٽ (رپورٽ:ڪانجي مل رکيسر) زرعي تعليم ۽ تحقيق جي فروغ لاءِ اهم قدم کڻندي اختيارين پاران سيد ضياءُ الحسن شاهه کي زرعي يونيورسٽي سب ڪئمپس عمرڪوٽ جو پرو وائيس چانسلر مقرر ڪيو ويو آهي، سندن مقرري تي تعليمي، سماجي ۽ زرعي حلقن پاران خوشي جو اظهار ڪيو ويو آهي ۽ اميد ظاهر ڪئي وئي آهي ته هو پنهنجي صلاحيتن ۽ تجربي سان ڪئمپس جي تعليمي معيار کي وڌيڪَ بهتر بڻائڻ لاءِ اهم ڪردار ادا ڪندا، ذريعن موجب سيد ضياءُ الحسن شاهه زرعي شعبي سان گهري لاڳاپي رکن ٿا ۽ کين انتظامي ۽ تدريسي معاملن ۾ به وسيع تجربو حاصل آهي، سندن مقرري سان اميد ڪئي پئي وڃي ته زرعي يونيورسٽي سب ڪئمپس عمرڪوٽ ۾ تعليم، تحقيق ۽ شاگردن لاءِ جديد سهولتن کي هٿي ملندي، مقامي ماڻهن، شاگردن ۽ علمي حلقن سندن مقرري کي خوش آئند قرار ڏيندي چيو آهي ته زرعي علائقي طور سڃاتل عمرڪوٽ ۽ ڀرپاسي وارن ضلعن جي شاگردن کي هن ڪئمپس مان بهتر تعليمي موقعا فراهم ٿيندا.