ھالا ڀرسان ماڇي برادري جي ٻن ڌرين ۾ هلندڙ پراڻي تڪرار تان حاضري تي ويندڙ 2 نوجوان قتل

35ورهين جو علي گل پٽ دوست علي ماڇي ۽ نياز علي پٽ خدا بخش ماڇي قتل

ھالا(رپورٽر) ھالا ڀرسان پراڻي تڪرار تان گوليون ۽ ڪھاڙيون ھڻي ٻہ نوجوان قتل ڪري جوابدار فرار ٿي ويا، ھالا پراڻا ٿاڻي جي حد مَنو ماڇي بند وٽ ھالا ڪورٽ تي شنوائي لاء ويندڙ ٻِن نوجوانن کي ماڇي برادري جي چئن جوابدارن فائرنگ ڪري ۽ ڪھاڙيون ھڻي قتل ڪرڻ بعد جوابدار فرار ٿي ويا، قتل ٿيلن ۾ 35 ورھين جو علي گل پٽ دوست علي ماڇي، نياز علي پٽ خدابخش ماڇي شامل آھن، ٻنھين کي فوري طور تعلقا اسپتال ھالا آندو ويو، وارثن موجب علي شير ماڇي، ساجن ماڇي سميت چئن جوابدارن گوليون ۽ ڪھاڙيون ھڻي اسان جي ٻِن نوجوانن کي قتل ڪيو آھي مخالف ڌر سان پراڻو تڪرار ھلندڙ ھو،جوابدارن کي فوري طور گرفتار ڪيو وڃي پوليس موجب ماڇي برادري جي ٻن ڌرين ۾ پراڻو تڪرار ھلندڙ ھو جنھن تان اڄ ھالا ڪورٽ حاضري لاء ويندڙ ٻن ڄڻن کي جوابدارن گوليون ۽ ڪھاڙيون ھڻي قتل ڪري فرار ٿي ويا آھن، جوابدارن جي گرفتاري لاء مختلف ھنڌن تي ڇاپا ھنيا پيا وڃن،تمام جلد جوابدارن کي گرفتار ڪيو ويندو وڌيڪ معاملي جي جانچ ڪئي پئي وڃي.