بن قاسم ٽائون پوليس جي ڪارروائي، منشيات فروشي ۾ ملوث 3 جوابدار گرفتار

173 views | 19th Apr 2026 • سنڌي خبرون

بن قاسم ٽائون پوليس جي ڪارروائي، منشيات فروشي ۾ ملوث 3 جوابدار گرفتار

ملير (رپورٽ: عبدالرشيد مورجھريو) ملير ضلعي جي بن قاسم ٽائون پوليس ڪارروائي ڪندي منشيات فروشي ۾ ملوث 3 جوابدارن کي گرفتار ڪري ورتو آهي۔پوليس موجب اها ڪارروائي علي محمد ڳوٺ ۾ ڪومبنگ آپريشن دوران ڪئي وئي، جنهن ۾ جوابدارن کي حراست ۾ ورتو ويو۔گرفتار جوابدارن جي سڃاڻپ ربنواز، غلام بشير ۽ عبدالرزاق طور ٿي آهي۔ پوليس موجب جوابدارن جي قبضي مان 15 گرام آئس، 8 گرام هيروئن ۽ فروخت جي رقم پڻ هٿ ڪئي وئي آهي۔پوليس ٻڌايو ته گرفتار جوابدار بن قاسم ٽائون سميت مختلف علائقن ۾ منشيات وڪرو ڪرڻ ۾ ملوث هئا۔ جوابدار ربنواز اڳ به منشيات جي ڪيسن ۾ گرفتار ٿي جيل وڃي چڪو آهي۔پوليس ٽنهي جوابدارن خلاف قانون موجب ڪيس داخل ڪري وڌيڪ جاچ شروع ڪري ڇڏي آهي۔