ميرپورساڪرو پوليس هٿان قومي ڪارڪن گرفتار

پوليس زاهد ڪنڀر کي گٽڪي ڪيس ۾ چالان ڪري ڇڏيو

ٺٽو(ڊ ر) ميرپور ساڪرو پوليس قومي ڪارڪن کي گرفتار ڪرڻ بعد چالان ڪري ڇڏيو. قومي ڪارڪنن ۽ سول سوسائٽي جو احتجاج. مظاهرين جو چوڻ هو ته گذريل ڏينھن ميرپور ساڪرو پولیس قومي ڪارڪن زاهد ڪنڀر کي ٻھارا شھر مان بلاجواز کنڀي وئي مٿس ٿاڻي تي سخت تشدد ڪيو ويو ايس ايڇ او ميرپور ساڪرو جي اڳواڻي ۾ پوليس اھلڪارن کيس ڪپڙن کان آجو ڪري بدترين تشدد ڪيو ۽ کيس من گھڙت گٽڪا ايڪٽ ۾ چالان ڪري ڇڏيو نوجوان قومي ڪارڪن زاهد ڪنڀر جي بلاجواز گرفتاري ۽ ڪوڙي ڪيس ۾ ڦاسائڻ خلاف قومي ڪارڪنن ۽ سول سوسائٽي پاران سخت احتجاج ڪيو ويو انھن ايس ايڇ او ساڪرو فدا حسين خاصخيلي خلاف فوري ايڪشن کڻڻ جو مطالبو ڪيو آھي ٻي طرف وڪيل پاران قومي ڪارڪن زاھد ڪنڀار جي ميڊيڪل جانچ جي درخواست عدالت کي ڏني وئي جنهن تي عدالت کيس ميڊيڪل جو ليٽر جاري ڪرڻ ۽ علاج ڪرڻ جي ھدايت ڪري ڇڏي.