ملير: ن ليگ پاران حسن پنهور ڳوٺ ۾ هڪ ڏينھن واري مفت ميڊيڪل ڪيمپ

ڊاڪٽر عبد الحميد جٽ پاران هڪ ڏينهن واري مفت جرنل ميڊيڪل ڪيمپ منعقد ڪيو ويئي

ملير (رپورٽ: عبدالرشيد مورجھريو) پاڪستان مسلم ليگ (ن) ملير ضلعي جي نائب صدر ڊاڪٽر عبد الحميد جٽ پاران اڪبر پبلڪ اسڪول ۽ ڪاليج، حسن پنهور ڳوٺ ۾ هڪ ڏينهن واري مفت جرنل ميڊيڪل ڪيمپ منعقد ڪيو ويئي جنهن ۾ 200 کان وڌيڪ مريضن جر چڪاس ڪئي وئي ۽ کين دوائون پڻ فراهم ڪيون ويون۔ميڊيڪل ڪيمپ جو معائنو پاڪستان مسلم ليگ (ن) ملير جو صدر فيروز خان، ڪراچي ڊويزن جي خزانچي سہیل خان، مصطفی رحمان، اسرار خان، صحافي سرفراز عباسي، اڪبر پبلڪ اسڪول جي پراجيڪٽ ڊائريڪٽر جام ولي محمد ۽ پرنسپال جام دين محمد سميت علائقي جي ٻين معزز شخصيتن ڪيو۔ان موقعي تي ڊاڪٽر عبد الحميد جٽ چيو ته “ميڊيڪل ڪيمپ لڳائڻ سان دلي سڪون ملندو آهي، ۽ پاڪستان مسلم ليگ (ن) جي پليٽ فارم تان آئون اڪثر علائقن ۾ فري ميڊيڪل ڪيمپ لڳائيندو رهندو آهيان۔ پي ايم ايل اين ضلعي صدر فيروز خان چيو ته “پاڪستان مسلم ليگ (ن) عوامي خدمت تي يقين رکي ٿي، ۽ اسان جي پارٽي هميشه عوام جي بهتري ۽ صحت جي خدمت ڪندي پاڻ کي نمايان ڪيو آهي.” ڪيمپ دوران مريضن کي نه رڳو مفت چڪاس ملي، پر دوائون پڻ مفت مهيا ڪيون ويون، جنهن سان علائقي جي ماڻهن ۾ خوشي ۽ شڪريو جو اظهار ڪيو ويو۔