عوامي پريس ڪلب ملير طرفان مومن مليرائي لائبريري ۾ اسٽڊي سرڪل جو اهتمام

سيد سجاد علي شاهه، طارق جان سهتو، غلام نبي مگسي، شمس جويو، شهنشاهه چارڻ، سامي ميمڻ ۽ ٻيا شريڪ

ملير (عبدالرشيد مورجھريو)عوامي پريس ڪلب ملير طرفان مومن مليرائي لائبريري ۾ اسٽڊي سرڪل جو اهتمام ڪيو ويو، جنهن ۾ وڏي تعداد ۾ ساڃاهه وندن، صحافين ۽ سماجي ڪارڪنن شرڪت ڪئي اسٽڊي سرڪل ۾ عوامي پريس ڪلب ملير جي صدر سيد سجاد علي شاهه، جنرل سيڪريٽري طارق جان سهتو، سنڌ سماجي سٿ جي چيئرمين غلام نبي مگسي، شمس جويو، صحافي شهنشاهه چارڻ، سامي ميمڻ، ايم زمان جوکيو، جمشيد زهراڻي، ساقي ارشاد لورڙ، اصغر ميمڻ، سليمان شاهه، عنايت شاهه، مشتاق گبول سميت ٻين شرڪت ڪئي ان موقعي تي نامياري ليکڪ امر جليل جي مشهور ڪهاڻي اروڙ جو مست پڙهي وئي، جنهن تي شرڪت ڪندڙن تفصيلي بحث ۽ ويچار ونڊياان موقعي تي ڳالهائيندي صدر عوامي پريس ڪلب ملير سيد سجاد علي شاهه چيو ته اهڙيون ادبي ۽ علمي ويهڪون سماج ۾ شعور پيدا ڪرڻ لاءِ انتهائي اهم آهن، جن ذريعي نوجوان نسل کي ادب ۽ تاريخ سان جوڙي سگهجي ٿو جنرل سيڪريٽري طارق جان سهتو چيو ته امر جليل جي لکڻين ۾ سماجي حقيقتن جي عڪاسي ملي ٿي، جيڪا اسان کي پنهنجي معاشري تي سوچڻ تي مجبور ڪري ٿي سنڌ سماجي سٿ جي غلام نبي مگسي پنهنجي موقف ۾ چيو ته ادب صرف وندر نه پر سماج جي سڌاري جو اهم ذريعو آهي، اهڙين ويهڪن وسيلي ماڻهن ۾ شعور، سچائي ۽ سماجي ذميواري جو احساس وڌي ٿو سامي ميمڻ چيو ته نوجوانن کي خاص طور تي اهڙين علمي ۽ ادبي سرگرمين ڏانهن راغب ڪرڻ وقت جي اهم ضرورت آهي، جيئن هو مثبت سوچ ۽ تحقيق جي راهه اختيار ڪري سگهن ٻين اڳواڻن عوامي پريس ڪلب ملير جي علمي ڪم جي واکاڻ ڪندي ان ڳالهه تي زور ڏنو ته ادبي سرگرمين کي تسلسل سان جاري رکڻ گهرجي ته جيئن معاشري ۾ شعور ۽ سجاڳي وڌي سگهي