سجاول پوليس جون انٽيليجينس بيس تي ڪاروائيون، 6منشيات فروش گرفتار

لکين رپيا ماليت جي وسڪي شراب جون 454 پينٽون سپلائي جي ڪوشش ناڪام بڻائي ڇڏي: پوليس

سجاول(گلشيرميربحر)ضلع سجاول پوليس جون انٽيليجينس بيس تي ڪاروائيون. منشيات ۽ گھٽڪا فروشن خلاف ڪريڪ ڊائون لکين رپيا ماليت جي وسڪي شراب جون 454 پينٽون سپلائي جي ڪوشش ناڪام بڻائي ڇڏي آهي ڪرولا ڪار ۽ شراب پوليس قبضي ۾ وٺي ڇڏيو آھي. 2 گھٽڪن جون بٺيون مسمار وڏي مقدار ۾ گھٽڪو مٽيريل هٿ ۽ بين ڪاروائين ۾ 20 ليٽر ديسي شراب ۽ 500 پڙيون گھٽڪو هٿ 6 ڏوهاري گرفتار ڪيس داخل. تفصيل موجب. ڊپٽي انسپيڪٽر جنرل آف پوليس حيدرآباد رينج طارق رزاق ڌاريجو ۽ ايس ايس پي سجاول ميڊم علينہ راجپر جي هدايتن تي گھٽڪو. منشيات فروشن جي خلاف بنا فرق جي ڪارروائيون جاري. ايس ايڇ او سجاول مير محمد گاڏهي جي اسٽاف سميت پيٽرولنگ دوران خفیہ اطلاع ملي ته هڪ سلور ڪلر ڪرولا ڪار نمبر bau.173 وسڪي شراب سان ڀريل سجاول طرف اچي رهي آهي. پوليس سجاول بٺورو روڊ گرڊ اسٽيشن جي ويجھو ڪار کي روڪي تلاشي ورتي ته ان مان 454 پينٽون وسڪي شراب پوليس قبضي ۾ ڪري ورتو ۽ هڪ ڏوهاري محمد علي ولد علي محمد شورو کي گرفتار ڪري ورتو آهي. هٿ ڪيل وسڪي لکين روپيا ماليت جي ٻڌائي پئي وڃي ڪيس داخل ڪري وڌيڪ جانچ شروع ڪري ڇڏي آهي. ايس ايڇ او لاڏيون غلام مصطفي سولنگي اسٽاف سان گڏ مخفي اطلاع تي لاڏين ويجھو ٻن جدا جدا گھٽڪن جي ڀٺين تي ڪاروائيون. پوليس ڪاروائين ۾ 2 گھٽڪا ڀٺيون مسمار ڪري ڇڏيون 3000 گھٽڪا 20 ڪلوگرام کان وڌيڪ گھٽڪن ۾ استعمال ٿيندڙ سامان هٿ 2 ڏوهاري منظور ملاح ۽ محمد جمن چوهاڻ گرفتار هڪ فرار ڪيس داخل ايس ايڇ او دڙو حاڪم علي کوسو جو گشت دوران اٻڙال چوڪ ويجھو گھٽڪا فروش ذولفقار علي مگسي جي 1000 پڙيون گھٽڪو ۽ هڪ موٽرسائيڪل سميت گرفتار ڪري ڪيس داخل ڪري ڇڏيو آهي انچارج جاتي چوڪ شمس کاڙڪ جي گشت دوران جيلاني موري ويجھو 2 منشيات فروشن جاويد ۽ راجا چانڊيو کي 10/10 ليٽر ديسي شراب سميت گرفتار ڪري ڪيس داخل ڪري ڇڏيو آهي. پوليس مطابق منشيات ۽ گھٽڪا فروشن جي خلاف وڌيڪ ڪاروايون جاري آهن