اسسٽنٽ ڪمشنر سوڀوديرو پاران ايل پي جي فيڪٽري تي ڇاپو، 4 ڄڻا گرفتار

ڇاپي دوران ايل پي جي سان ڀريل برائوزر، ھڪ ڊاٽسن ۽ ھڪ ٽرڪ سميت وڏي تعداد ۾ سيلينڊر ھٿ

ھنڱورجا(رپورٽر)اسسٽنٽ ڪمشنر سوڀوديرو جو گڏيجي ڀرسان قومي شاھراھ تي غير قانوني ايل پي جي فيڪٽري تي ڇاپو .ايل پي جي سان ڀريل ھڪ وڏو برائوزر ھڪ ڊاٽسن ۽ ھڪ ٽرڪ سميت وڏي تعداد ۾ سيلينڊر ھٿ ڪيا ويا آھن ۽ غيرقانوني ڪم ڪندڙ چار ماڻھو گرفتار ڪري فيڪٽري کي سيل ڪيو ويو آھي تفصيل موجب اسسٽنٽ ڪمشنر سوڀوديرو شاھ محمد چانگ آچر جي موڪل واري ڏھاڙي تي ڊپٽي ڪمشنر خيرپور الطاف حسين چاچڙ جي ھدايتن تي گڏيجي ڀرسان قومي شاھراھ تي غيرقانوني قائم ڪيل ايل پي جي جي فيڪٽري تي اوچتو ڇاپو ھنيو . ڇاپي دوران گئيس سان ڀريل وڏو برائوزر . ھڪ ٽرڪ ۽ ھڪ ڊاٽسن سميت وڏي تعداد سلينڊر برآمد ڪيا ويا آھن اي سي سوڀوديرو شاھ محمد چانگ بروقت پوليس گھرائي فيڪٽري اندر غيرقانوني ڪم ۾ ملوث چار ماڻھن کي پڻ گرفتار ڪرائي فيڪٽري کي سيل ڪري ڇڏيو آھي اسسٽنٽ ڪمشنر سوڀوديرو شاھ محمد چانگ ميڊيا سان ڳالهائيندي چيو آھي تہ ڊپٽي ڪمشنر خيرپور الطاف حسين جي حڪم تي ڪاروائي ڪئي آھي ھن ٻڌايو ت ھتي ايل پي جي جي غيرقانوني فيڪٽري قائم ڪئي وئي ھئي جنھن کي فوري طور سيل ڪيو ويو آھي ۽ فيڪٽري ۾ ڪم ڪندڙ چار ماڻھو گرفتار ڪرايا آھن ھن چيو ت ايل پي جي غيرقانوني وڪري تي پابندي آھي ھتي وڏو جاني نقصان ب ٿي پئي سگھيو ان ڪري فيڪٽري کي سيل ڪيو ويو آھي . ھن ٻڌايو فيڪٽري اندر ھڪ وڏو گئيس جو برائوزر. ھڪ ٽرڪ ۽ ڊاٽسن کان سواء وڏي تعداد ۾ سيلينڊر ھٿ ڪيا ويا آھن ھن چيو اوگرا جي اختيارين وڌيڪ ڪاروائي لاء پڻ لکيو ويو آھي ۽ اسان ڪوب غيرقانوني عوامي مفادن جي خلاف ڪم ٿيڻ ن ڏينداسون . اھڙو ڪڌو ڪم ڪندڙن عناصرن خلاف ڪاروايون جاري رھنديون.