ملير جي صحافي فاروق ڀنگوار کان ڦر، مزاحمت تي مٿس فائرنگ

هٿياربند موٽرسائيڪل ڦر ڪرڻ بعد سڌيون گوليون به هلايون: فاروق ڀنگوار

ملیر(رپورٽ: عبدالرشيد مورجھريو) سچل ڳوٺ پوليس ٿاڻي جي حد چور ڊڪيتن جو آماجگاہ بڻجي ويو، ملیر جي سينئر صحافي فاروق ڀنگوار مٿان اندليپ سوسائٽي چوڪ تي موٽر سائيڪل ڦر ڪرڻ جي ڪوشش ڪئي مذاحمت تي صحافي مٿان سڌيون گوليون ھلايون ويون موجزاني طور سينئر صحافي محفوظ رھيو، تفصيل موجب ڪلھ صبح 9 وڳي ڏينهن ڏٺي جو ملير جو سينئر صحافي فاروق ڀنگوار، الھڏنو بگٽي ڪنهن ڪم سانگي سپر ھائيوي طرف وڃي رهيا هئا ته ٻن موٽر سائيڪل سوار ڦورو ٽولي سندس ڦر ڪرڻ جي ڪوشش ڪئي مذاحمت تي ڦوروئن فائرنگ ڪري ڏني جنهن ٻئي ڄڻا موجزاني طور محفوظ رهيا، ان موقعي تي ڪراچي جي سياسي سماجي تنظيمن ۽ صحافين پاران سينئر صحافي تي حملو ڪري ڦر ڪرڻ خلاف سخت لفظن ۾ افسوس جو اظهار ڪندي، صحافين کي تحفظ ڏيڻ لاءِ زور ڀريو،