سجاول پوليس پاران مختلف ڪيسن ۾ گهربل جوابدار گرفتار ڪرڻ جي دعويٰ

جوابدار ذوالفقار عرف ڪارو کي ڳجهي اطلاع تي ڪارروائي دوران گرفتار ڪيو ويو: ڊي ايس پي سجاول ارشد سعيد

سجاول (گلشيرميربحر) سجاول پوليس پاران اهم ڪارروائي ڪندي ڦر ۽ چوري جي ڪيسن ۾ گهربل جوابدار ذوالفقار عرف ڪارو کي گرفتار ڪيو ويو آهي. ڊي ايس پي سجاول ارشد سعيد ۽ ايس ايڇ او سجاول مير محمد گاڏھي پريس ڪانفرنس ڪندي ٻڌايو ته جوابدار کي ڳجهي اطلاع تي ڪارروائي دوران گرفتار ڪيو ويو. سندس نشاندهي تي پوليس وڏي انگ ۾ ڦر ۽ چوري ٿيل سامان برآمد ڪيو آهي. پوليس موجب برآمد ٿيل سامان ۾ شامل آهي: چوڏهه (14) موٽر سائيڪلون هڪ سوزوڪي پڪ اپ ڏهه (10) موبائيل فون هڪ رڪشا سامان سميت ڊي ايس پي موجب جوابدار کان وڌيڪ پڇا ڳاڇا جاري آهي ۽ امڪان ظاهر ڪيو ويو آهي ته وڌيڪ انڪشاف به سامهون اچي سگهن ٿا. پوليس جو چوڻ آهي ته ضلعي ۾ امن امان جي صورتحال بهتر بڻائڻ لاءِ اهڙيون ڪارروائيون جاري رهنديون. پوليس عوام کان به اپيل ڪئي آهي ته ڪنهن به مشڪوڪ سرگرمي بابت فوري اطلاع ڏين ته جيئن ڏوهن تي ضابطو آڻي سگهجي.