درٻار صاحب بابا جمناداس اُداسين ۽ شِوَ مندر نوشهرو فيروز ۾ مَھا شِوَراتڙي ملهائي ويئي

سنڌ جي مشهور ڀڳت سونُو ڪمار ستسنگ ۽ موج مستي مچائي آيل مهمانن کي جهومائي ڇڏيو

نوشهرو فيروز(ڊر)درٻار صاحب بابا جمناداس اُداسين ۽ شِوَ مندر نوشهرو فيروز ۾ مَھا شِوَراتڙي وڏي ڌام ڌوم سان ملهائي ويئي، درٻار جي گادي نشين سائين رام داس آيل مهمانن جي ڀرپور آجيان ڪئي ته وري سنڌ جي مشهور ڀڳت سونُو ڪمار ستسنگ ۽ موج مستي مچائي آيل مهمانن کي جهومائي ڇڏيو. ميلي جي موقعي تي ڳالهائيندي سائين رام داس چيو ته شِو جي رات وڏي خوشيءَ جي رات آهي، جنهن رات ۾ شِو پاروَتِيءَ جي شادي ٿي هئي. هن رات تي شِو لنگ تي کير ۽ ڦروٽ چاڙهي پوڄا پاٺ ڪندا آهيون، جنهن تي مَنَ کي سڪون ملندو آهي، پوري سنڌ کان درٻار جا مريد هتي اچن ٿا، جن جي رهائش ۽ کاڌي پيتي جو انتظام درٻار ڪري ٿي. ميلي جي موقعي تي پوڄا، آرتي ستسنگ، ڪيرتن ڪيو ويو. مشهور ڀڳت سونُو ڪمار سندس ٽوليءَ راجيش گل، موج مستي ڪرائي واھ واھ ڪرائي، جڏهن ته ڀڳت مرليڌر به ستسنگ ڪيو.