ڀارتي جيلن ۾ قيد پاڪستاني مهاڻن جي جي وارثن ۾ امدادي چيڪ ورهائڻ جي تقريب منعقد

فشرمينز ڪوآپريٽو سوسائٽي جي چيئرپرسن فاطمه مجيد ۽ ڊائريڪٽرن مهاڻن جي گهر ڀاتين ۾ امدادي چيڪ ورهايا

ملير (رپورٽ: عبدالرشيد مورجھريو) فشرمينز ڪوآپريٽو سوسائٽي جي چيئرپرسن فاطمه مجيد ۽ ڊائريڪٽرن پاران ڀارتي جيلن ۾ قيد پاڪستاني مهاڻن جي گهر ڀاتين ۾ امدادي چيڪ ورهايا ويا ان موقعي تي چيئرپرسن فاطمه مجيد چيو ته کين مهاڻن ۽ سندن خاندانن جي ڏکن ۽ تڪليفن جو پورو احساس آهي. هوءَ هر پليٽ فارم تي مهاڻن جي حقن ۽ سندن آزادي لاءِ آواز اٿاريندي رهي آهي ۽ اڳتي به اٿاريندي رهندي. هن وڌيڪ چيو ته فشرمينز ڪوآپريٽو سوسائٽي جو ادارو مهاڻن سان گڏ بيٺل آهي ۽ هن ڏکئي گهڙي ۾ کين اڪيلو نه ڇڏيندو جڏهن ته اهلِ خانہ امدادي سهڪار تي چيئرپرسن فاطمه مجيد جا ٿورا مڃيا ان موقعي تي چيئرپرسن فاطمه مجيد سان گڏ ڊائريڪٽر حاجي احمد، فيصل خالد، خان مير خان، لال بخش، شهزاد ڄاموٽ، محمد شڪيل، عبدالناصر، عبدالرشيد ماڙي والا، جنرل مينيجر ايف سي ايس اياز علي سومرو، مينيجر ويلفيئر غلام رسول شيخ، ميڊيا آفيسر جهانگير خان سميت ٻيا آفيسر پڻ موجود هئا۔