نوشهروفيروز ۾ يوٿ ڊولپمينٽ سينٽر ۾ ڪشمير ڊي جي حوالي سان تقريب

106 views | 05th Feb 2026 • سنڌي خبرون

سنڌ جو نوجوان پنهنجي ڪشميري ڀائرن سان ڪلهو ڪلهي ۾ ملائي بيٺو آهي: رضوان علي ملاح

نوشهروفيروز ۾ يوٿ ڊولپمينٽ سينٽر ۾ ڪشمير ڊي جي حوالي سان تقريب

نوشهروفيروز (ڊ. ر) سنڌ حڪومت جي اسپورٽس اينڊ يوٿ افيئرس ڊپارٽمينٽ جي ڊائريڪٽوريٽ آف يوٿ افيئرس پاران اڄ ڊي سي هائوس ويجهو يوٿ ڊيولپمينٽ سينٽر نوشهروفيروز ۾ "ڪشمير ڏينهن ۽ يڪجهتي واڪ" جو اهتمام ڪيو ويو . هي پروگرام راندين ۽ يوٿ افيئرس واري صوبائي وزير سردار محمد بخش خان مهر جي بصيرت واري سوچ ۽ اسپورٽس اينڊ يوٿ افيئرس کاتي جي سيڪريٽري منور علي مهيسر جي خاص هدايتن تي منعقد ڪيو ويو. پروگرام جو آغاز تلاوتِ ڪلام پاڪ ۽ قومي تراني سان ڪيو ويو. اسسٽنٽ ڊائريڪٽر رضوان علي ملاح مهمانن ۽ شرڪت ڪندڙن کي ڀليڪار چيو ۽ تقريب جي مقصد تي روشني وڌي. هن چيو ته ڪشمير پاڪستان جي شھ رڳ آهي ۽ سنڌ جو نوجوان پنهنجي ڪشميري ڀائرن سان ڪلهو ڪلهي ۾ ملائي بيٺو آهي ۽ سندس اخلاقي مدد ڪندو رهيو آهي تقريب کي خطاب ڪندي سينيئر هيڊ ماسٽر ڪريم بخش سيال، پروفيسر جي ايم ڀٽي، مس تنزيلا ميمڻ ، مس زويا ۽ شاهد علي وسطڙو ڪشميرين جي جدوجهد تي روشني وڌي . هنن عالمي برادري ، خاص ڪري گڏيل قومن (UNO) تي زور ڀريو ته ڪشمير جو مسئلو ڪشميري عوام جي امنگن موجب حل ڪيو وڃي. تقريب ۾ شرڪت ڪندڙن ايشال ، عائشه ميمڻ ۽ زين شاهد وسطڙو پڻ اثرائتيون تقريرون ڪيون ۽ ڪشمير جي مقصد لاءِ پنهنجي حمايت جو اظهار ڪيو.تقريب جي آخر ۾ سمورن شرڪت ڪندڙن هٿ کڻي ڪشمير جي آزاديءَ ۽ ڀارتي ظالم فوج جي قبضي مان نجات لاءِ دعا گهري . اسسٽنٽ ڊائريڪٽر رضوان علي ملاح پاران مهمانن ۽ نوجوانن ۾ شيلڊون ۽ سرٽيفڪيٽ پڻ ورهايا ويا.