روهڙي: موٽر سائيڪل سوار هٿياربندن جي فائرنگ، هڪ ڄڻو قتل، عورت زخمي

بندر روڊ تي فائرنگ ۾ عبدالحميد ڌاريجو قتل ٿي ويو، عورت رخسانه مهر زخمي

روهڙي (رپورٽر) روهڙي جي بندر روڊ ويجهو موٽر سائيڪل سوار هٿياربندن جي فائرنگ، فائرنگ جي نتيجي ۾ هڪ ڄڻو قتل جڏهن ته هڪ عورت سخت زخمي، روهڙي پوليس واقعي واري هنڌ پهچي ڪري فوتي مرد ۽ زخمي عورت کي ڳڻتي جوڳي حالت ۾ اسپتال منتقل ڪري ٻن جوابدارن کي گرفتار ڪري ورتو پوليس موجب فائرنگ ڪندڙ جوابدار زخمي عورت رخسانہ مهر جا ويجها مائٽ هئا جن غيرت جي نالي تي اچي ڪري جوڙي تي فائرنگ ڪئي فائرنگ جي نتيجي ۾ عبدالحمید ڌاريجو ٿڌي تي ئي فوت ٿي ويو جڏهن ته عورت رخسانہ مهر سخت زخمي آهي جنهن کي ڳڻتي جوڳي حالت اسپتال منتقل ڪيو ويو واقعي ۾ ملوث ٻنهي جوابدارن وحيد مھر ۽ عارف مھر کي گرفتار ڪري ورتو آهي سندن جي قبضي مان استعمال ٿيل پسٽل پڻ هٿ ڪيو ويو