ملير ۾ نامياري ملھ پھلوان جان محمد صابرو جي ياد ۾ ڪٺ

سنڌ ڪلچرل فورم طرفان عوامي پريس ڪلب تي ساڃاهه وندن جو ڪٺ

ملير (رپورٽ: عبدالرشيد مورجھريو)نامياري ملھ پھلوان جان محمد صابرو جي ياد ۾ سنڌ ڪلچرل فورم ڪراچي ڊويزن طرفان عوامي پريس ڪلب ملير ۾ ساڃھ وندن جو ڪٺ منعقد ڪيو ويو، جنهن ۾ سياسي، سماجي اڳواڻن، صحافين ۽ شهرين وڏي انگ ۾ شرڪت ڪئي.تقريب کي خطاب ڪندي سنڌ ڪلچرل فورم جي مرڪزي چيئرمين صادق لاکو چيو ته مرحوم جان محمد صابرو ملھ راند کي ترقي ڏيارڻ ۽ ملھ پھلوانن کي عزت ۽ اھميت ڏيارڻ لاءِ زندگي ڀر ايماندارانه جدوجهد ڪئي. هن چيو ته ھاڻ مرحوم جي مشن کي اڳتي وڌائڻ لاءِ سنڌ ملھ ايسوسيئيشن جو بنياد رکيو ويو آھي، جيڪا ملھ کي منظم انداز ۾ اڳتي وٺي ويندي.صادق لاکو وڌيڪ چيو ته جان محمد صابرو لاڙپٽي مان نڪري سموري سنڌ، بلوچستان ۽ پنجاب جي مختلف علائقن ۾ ملھ راند کي متعارف ڪرايو، وڏا وڏا ملاکڙا منعقد ڪرايا ۽ سنڌ جي ملھ پھلوانن کي قومي سڃاڻپ ڏيارڻ ۾ اهم ڪردار ادا ڪيو. سندس خدمتون ملھ راند جي تاريخ ۾ سونھري لفظن سان لکبيون.تقريب کي محمد شريف جاکرو، سيد غفور شاه، جمشيد زهراڻي، سجاد شاھ، سامي ميمڻ ۽ ٻين خطاب ڪندي چيو ته سنڌ ڪلچرل فورم ملھ راند کي سنڌ جي قومي ثقافتي راند طور تسليم ڪرائڻ ۽ پھلوانن کي جائز مقام ڏيارڻ لاءِ مسلسل ڪوششون ڪري رهيو آهي. هنن ٻڌايو ته مرحوم جان محمد صابرو ٺٽي ۾ ملھ ايسوسيئيشن جو باني صدر پڻ رهيو.آخر ۾ اڳواڻن چيو ته جان محمد صابرو کي ڀيٽا پيش ڪرڻ لاءِ سندس مزار تي حاضري ڀري تقريبون پڻ منعقد ڪيون ويون،